Breaking news. Tuzing Hakha um ralhrang kawlralkap cawlcangh ning cu lung a nuam hrimhrim lo. Mipi ralkap hna Bawipa nih in hup pheng ko hna seh. Hakha um ralhrang kawlralkap hna cu tuzing ah Hniarlawn thar lei ah an kal tiah theih a si. A kalmi hna hi minung 90 renglo an si i, thilri zong tampi an i phorh ti a si.
Culawng siloin a tuhi ralhrang kawlralkap hna nih Hakha gate ah motor vialte an hren rih hna. Ralhrang kawlralkap hna nih an timi hna cu a tuhi စစ်ကြောင်း a um caah nan i tong sual lai tiah an ti. Hakha ah ralhrang kawlralkap hna nih cawlcanghnak tete an tuah caah mipi zong i ralring tein um hna usih.
Chungkhar pathum an umnak theih loin an tlau. Shan ramkulh Namtu peng Pan Lon khua ah a ummi kum 20 nungak Mah Aye Taza Kyaw cu Hsipaw khuapi ah Ha i phawi dingin a kal i, July ni 21 ah a tlau. A thaizing July ni 22 ah hringtu a nu le a tapa nih an va don i an mah lila zong an umnak theih loin an tlau ve tiah an thanh.
Hi konghe pehtlaiin khuami pakhat nih a chimmi cu a hmasa ah Ma Aye Taza Kyaw le a ttapa hi Hsipaw ah Ha i phawi dingin an kal i, an dih lo caah Ma Aye Taza Kyaw cu Hotel ah zankhat a riak. Atapa tucu a tlung. Athaizing July ni 23 chun suimilam 12 hrawngah a tapa le a nu cu va don dingin an kal i, an tlau ve.
Hsipaw khua an phak le phak lo zong kan thei lo. Ma Aye Taza Kyaw hi July ni 21 zan suimilam hleikhat hrawngah a ho ti theih lomi pawl nih a umnak hotel in an chuahpi lio hmuh a si. Ma Aye Taza Kyaw cu an tlaih hrem i, a nu sin ah tangka an hal. An nufa pathum in an tlaih dih hna. zeiruangah a nu an zong an auh ti kan thei lo. A nu hi khualtlawng ballomi a si tiah khuami pakhat nih a chim.
Leave a Reply