Tedim khua ah ramvaihnak in a rak kirmi mino 2 SAC ralkap nih an thah hna. Lai meithal he ramvaihnak in a rak kirmi Chin ramkulh, Tedim peng, Saizang khuami 2 cu SAC ralkap nih an tlaih hna i an thah beh hna tiah khuami hna nih RFA ah an chim.
Thah a tongmi Ko Paung Za Maung le Ko Paung Sun Thang hna cu Hmwa khua pawng ramlak ah ni 6 chung ram an vaihnak in an rak kir ni May 21 ah Sakaw lam sang ah SAC ralkap pawl he an i tong i an tlaih hna hnu ah an thah beh hna hi a si tiah chungkhar he aa naihniammi nih RFA ah an chim.
An mah he ram a vai ṭimi pawl cu an hmai ah an kal chung caah an luat manh. Lai meithal he an si caah CDF ah an rel hna i an tlaih hna. Inn an phak ti lo caah an hlathlai cu an thi tiah theih a si.CDF chungtel ah an rel hna caah an thah hna hi a si tiah a chim.SAC leiṭang online thawngzamh pawl nih cun khuami 2 hna hi CDF chungtel an si i an hriam he ruak in tlaih an si tiah an langhter.
A thimi chungkhar he aa naihniammi nih cun ram a vai sawhsawhmi mipi an si ko tiah an chim. A thimi Ko Paung Za Maung hi kum 29 a si i Ko Paung Sun Thang hi kum 21 lawng a si rih.RFA nih cazin a lak khawhmi ning cun hramhram in uknak lak a si hnu ah SAC ralkap kahdohnak ruangah Chin ramkulh ning in a thimi 200 deng an si i Tedim khuami 6 an i tel tiah a langhter. Credit: The Chinland Post.
Thawngpang dang. May 23 Nizan kahdohnak ah ralhrang kawlralkap Uico pawl minung 59 an thi.Mipi ralkap lei in minung Paruk nih ram le miphun caah an nunnak an pek ve tiah thanhnak an tuah. Nizan rampi huap kahdohnak ah ralhrang uico pawl an thihnak hmun le hma hna cu a tanglei bantuk in an si. Chin ramkulh mindat kahdohnak ah ralhrang minung pahnih an thi, Sagaing ramthen Yinmapin kahdohnak ah uico ralhrang minung pali an thi tthan. Cun Magway ramthen Kauhhtu kahdohnak ah ralhrang uico minung pakua thah an si i, Yesacu kahdohnak ah ralhrang minung pathum an thi tthan.
Mandalay ramthen Nwahtukyi kahdohnak ah ralhrang minung pariat an thi. Cun Siku kahdohnak ah ralhrang minung 23 an thi. Sagaing ramthen Depeyin kahdohnak ah mipi ralkap lei in minung panga nih ram le miphun caah an nunnak an pek. Karen ramkulh kahdohnak ah mipi ralkap lei in minung pakhat an thi.Mon ramkulh Ye peng kahdohnak ah uico ralhrang minung pahra an thi.A cunglei langhtermi hna hi May ni 23 rampi huap kahdohnak ah mipi ralkap hna nih uico ralhrang kawlralkap an kahthah mi hna a si i, an dihlak in minung 59 an thi. Mipi ralkap lei in a nunnak a liammi hi minung paruk an si. Cazin theih khawh tawk langhter mi a si i, hinak in a thimi an tam lai tiah zumh le ruah a si.
Leave a Reply