THAN SHWE UKNAK CU NAN RAK CELH CIO LO CAAH DELHI LE MALAY AH NAN ZAM

Than Shwe uknak cu nan rak celh ti cio lo caah Delhi le Malay ah nan rak zam cio, CNA ralkap tampi telh in. Kum a vun rau deuh i ramtha nan phan, tampi nih ‘Than Shwe ruang ah mah zat zat Laimi ramtha kan phak hi Pathian khuakhan a si’ tiah lawmhnak nan chim pah tawn.

Atu ah CNF kan zoh ah cun a hlan i a rak zam cangmi ramtha phan kan pale deuh khi CNF lutlai an si dih ko. An zam nak hmun in ram an rak dawt khawh thiamthiam ko – Pu Zing Cung le Dr. L H Sakhong telh in. Atu ah CDF an hun thawng ngai i a hnu lei in fek tein a dirhkamhtu cu Than Shwe chan i kan ram a rak zam takmi ramtha phan Laimi thiamthiam nan si fawn.

Nanmah um hlah uhlaw CDF khi thlakhat hmanh an nung kho lai ka zum lo.Atu ah, MAH uknak celh lo ruang ah kan ram a zamtakmi zong hi mawhchiat tuk awk an si lem lo. Hmailei ramtha an phak ahcun CDF president zong an tuan ve te khawhmi a si, nawl ngei takmi supporting committee hotu or Vaurawng hotu or CBCUSA president zong an si ve kho.

Nek ngam ding an si lo khi .Kei belte cu ka chungkhat Malay kal duhmi an tam tuk i bawmh an ka hal lengmang tikah minung pakhat ah ting 30 leng puaisa pek a si fawn i ka phaisa a dih deng cang — tadawng-sa ah kai chuah cang men lai. Credit: Salai Lungthlitum

Thawngpang dang. Pi Siami cu ngapih a zuar. Ralzaam dirhmun in Mizoram Aizawl khuapi ah a ummi Sagaing ramthen, Kalay peng i MP pakhat a simi Pi Siami cu Aizawl khuapi ah Ngapih a zuar tiah Mai Sokhlei Par nih a facebook ah alanghtermi in theih a si. Hi konghe pehtlaiin Mai Sokhlei Par nih a tanglei bantuk in a tial.

Ram a buai thluh cun kan nundan le dinhmun a danglam in a bingbailailet thluh cio. Kan rinsan zet mi MP, Pi Siami tei innsang khal lo-theih-lo in Aizawl ah an um a tul phah.Nuntukhawsakdan kel a awh thei nawn lo cun tuihlanih kan rak ttuan dah lo mi hna a phunphun kan ttuan a rung tul. Pi Siami tei sung khal ngapih kio zuar in pumcawmnak an ngaihtuah ve.

Mai khua le ram ih inn le lo hngethngai nei, MP hman rak si rero mi, rambuai ruangah mi ram ah tuvekih ngapih zuar dinhmun ah a rung cang hi, Mizoram ih mi hminthang Lalhruaitluanga Chawngte in a rak theih tikah a lainat tuk lawmmam ih Pi Siami ngapih zuar thu ngan in The Aizawl Post thuthangca ah a rak suah (zuk ka ret).