THANTLANG CDF IN MIPHUN CAAH NUNNAK A PE MI PASALTHA HNA

Kumkhat chung CDF Thantlang le Ralhrang kahdohnak ah CDF Minung 12 Nih Miphun le ram caah an nunnak an pek. Biangreithlep 2021 Hakha le Thantang kar kahdohnak thawkin 23 Biangreithlep 2022 tiangah Chinland Defense Force – Thantlang in minung 12 nih miphun le ram caah an nunnak an pek.

Nunnak petu hna cu Pakhatnak. Salai Lian Tha Thang, 2. Salai Khamh Thawng Lian,3. Salai Hrang Thio Lian, Palinak. Salai Bawi Za Uk, 5. Salai Van Tha Ceu, 6. Salai Ram Lian Peng, Pasarih. Salai Tum Kio Cung, Pariat. Salai Khua Tin Thang, Pakuanak. Salai Dawt Tha Cung, Pahranak. Salai Thawng Tha Peng, Hleikhatnak. Salai Tha Hlei Sang, Hleihnihnak. Salai Hrang Lian Hnin

Cakilh: Hihi The Lairam Times nih a khomhsuatmi a si, kahdohnak thawkni hi kan palh kho men, cucaah careltu mizapi nih nan kan ruahthiamnak lai kan in nawl hna, fianghlaing in a theihhngal mi nih comment nak ah chimh/țial hram u. Credit: The Lairam Times.

Thawngpang dang. Nizan kahdohnak ah ralhrang kawlralkap Uico pawl minung 72 an thi. Lawmh a umtuk mi cu nizan i kahdohnak ah mipi ralkap lei in a nunnak a liammi siseh, hliam a tuarmi le tlaih hna pakhat hmanh an um lo. Nizan rampi huap kahdohnak ah ralhrang uico pawl an thihnak hmun le hma hna cu a tanglei bantuk in an si.Magway ramthen, Pakoku chung kahdohnak ah uico ralhrang minung paruk thah an si i, Sagaing ramthen kahdohnak ah uico ralhrang minung pakul an thi tthan.

Cun Shan le Karen pawng, Phaykhun kahdohnak ah ralhrang uico minung panga thah an si i, Karen ramkulh Demoso kahdohnak ah uico ralhrang minung pali an thi.Mandalay ramthen Myin Chain kahdohnak ah uico ralhrang minung pakhat a thi. Cun Sagaing ramthen Kahtha kahdohnak ah Uico ralhrang minung 30 an thi. Sagaing ramthen Kaw Lyn kahdohnak ah uico ralhrang minung pahnih an thi rih. Cun Sagaing ramthen thiamthiam a simi Myaing kahdohnak pali an thi than.

A cunglei langhtermi hna hi May ni 22 rampi huap kahdohnak ah mipi ralkap hna nih uico ralhrang kawlralkap an kahthah mi hna a si i, an dihlak in minung 72 an thi. Mipi ralkap lei in a nunnak a liammi le hliamtuar siseh tlaihmi pakhat hmanh an um lo. Cazin theih khawh tawk langhter mi a si i, hinak in a thimi an tam lai tiah zumh le ruah a si.