Mizoram, Lawngtlai nih Thantlang Hakha cu Laica lei ahcun a rak kan tei cikcek khi a si. Laica le Laiholh a hmangmi Thantlang Hakha kan si nain cozah lei cathanh chuahmi ah Laica tein an chuahmi hmuh awk a um bal thenglo zakhat ah sawmkua cu kawlca lawngtein an thanh tawn. Asinain Lawngtlai cu Laica bak in thanhnak an tuah ko cang. Mah hnu kum zeimawzat ahcun Thantlang Hakha nak in Lawngtlai hi Laica holh an thiam deuh te lai. Atang hi cathanh an chuahmi a si.
Deputy Commissioner Lawngtlai Nih Laica In Cathanh A Chuah. Voikhat Hman Cia Sarang Kongkau Mizapi Sin Theihternak. Lawngtlai, 19 Chiapa 2022: Mizorak cozah, Urban Development & Poverty Alleviation Department nih, Dt 2/11/2021 i Lawngtlai Town area ah voikhat hman cia ( Polythene Plastic) hman khamnak cathanh a rak chuah cia bantuk le,
Center cozah nih Dt. 1/7/2022 thawkin India ram pumpi i Polythene/ Plastic hman khamnak Order a rak chuah cia bang in, Lawngtlai Khualipi ( Town Area) chungah hohmanh nih sarang (Polythene/Plastic items ) hmang ti lo dingin theihter le in nawl kan si. Sd/-AMOLSRIVASTAVA, IAS, Deputy Commissioner. Lawngtlai District, Lawngtlai
Thawngpang dang. Tangaing peng KIA Battalion 14 hmunram ah nizan July 18 zing sml 3:30 hrawng ah KIA le Shan tapung cu camp pakhat ah kahdohnak a chuak, tiah theih a si.Cu kahdohnak ah KIA ralkap 2 an nunnak liam, tiah Kachin News Group nih a langhter.Shan tapung pawl cu Hpakant peng SiaHtuzut(ရှထူးဇွပ်) khua ah umhmun khuarmi an si, tiah theih a si.SAC ralkap le Shan tapung pawl i bawm in KIA he kahdohnak a chuah hi a si.
KIA camp kah ding ah motor 2 in an ra. Kahdohnak a chuak i, KIA ralkap 2 an nunnak liam, 2 hliamhma an pu,” tiah tualchung mi hna nih an chim.Atu bantukin KIA camp an kahnak a ruang hi SiaHtuZut khua pawng ummi Hmawbi khuami hna uk an duh hna caah a si, tiah tualchung mi pakhat nih a chim. Credit: The Chin Post.
Leave a Reply