Nihin may thla 23 zingka te ah ralhrang nih Thantlang an khangh chap.Thantlang hi kaang dih ko seh ti ruah lo ding, Thantlang khua hi akangh thlu zong sile kaang dih ko seh tiah kan ti si cun, TT khua lak timh in luh hnawh te tikah khin cucu ruah ding asi hnga. Thantlang khua kha ralhrang he ramri cuh phun in hngah tti zong a hau rih lo,
A cikpak in va kah i, inn khaang le duah tawk lek in va kah lualua zong aherh rih lo.Inn an bauh thilri an fir tuk ruangah kan ven ti si kho,mahnak biapi deuh cu innpum a him kha biapi deuh.Kan i hrimh le sersiam cikcek hnuah voikhat luhah luh hnawh lawlaw te ding khi a si deuh ko rua tihi keimah pumpak hmuh le ruah ning a si. Chinland 7 News
Thawngpang dang.Meithat pawl an umnak tlangbo ah hmunhma a khuarmi SAC ralkap pawl kah an tong. Chin ramkulh, Mindat khua meithat pawl an umnak ah hmunhma a khuarmi SAC ralkap pawl cu May 22 zaan sml 10:00pm hrawngah CDF-Mindat nih an kah hna tiah theih a si.Kahdohnak hi sml cheu hrawng a rau i SAC ralkap 2 an thi.
CDF-Mindat lei nih hliamhma tuar lo tein hnu an kir kho tiah CDF-Mindat nih an thanh.SAC ralkap nih sianginn awn ṭhan an i tim. Sianginn an awn ṭhan a si ahcun a zual chin lai. Zeitin hmanh in kan cohlang kho lo. Cucaah, ralrin peknak caah kan kah hna hi a si” tiah CDF-Mindat biachimnak nawl ngeitu Salai Ha Om nih a chim.
Non-CDM saya/mah pawl kan tlai hna lo nain SAC nih a duhning in sianginn a awn ṭhan a si ahcun fak piin a zizutnak kan tuah lai tiah a chim.Mindat khua chungah a ummi mino fim cawnnak caah cun NUG program le Mindat mipi uknak phu kuttang fim cawnnak program ah kai a si i pehzulh in tuah a si tiah a chim fawn. May 23 zing ah SAC nih hriamngan kah thlorh in a kah ruangah kum 11 hngakchia pakhat a ke khatlei a bul, kum 40 nu pakhat zong a lu ah hma a pu i mipi inn 2 a rawk tiah a chim. Credit: The Chinland Post
Leave a Reply