THANTLANG INN KAANG CAZIN LANGHTER MI AH HRELH SUALMI NAN UM MAW

Thantlang Khuachung ah a um mi mizapi inn le lo Kawl ralhrang nih an khanghduah mi cazin ka van khawmh i inn 1160 vial lawng ka khawmh khawh. Atanglei ah Onedrive link in kan tar chih.Data dawi le kawi a van har pah caah hrelh mi a tampi kho.

Inn a kaang ko nain atanglei link ah min cazin ai tel lo mi a um ahcun comments le chatbox in van ka kuat ding in kan nawl hna.Kuat tik ah Inn ngei tu min, Sang (Block), A kangh ni thla, Inn zat kuatchih ding a si lai. Nan van kan kuat mi ning in cazin ka van remh than te lai ka lawm. Thantlang Placement Affairs Committee-IDPs help hika hin a zohnak si lai voikhat in hmeh piak

Cabia dang ralhrang kawlralkap hna nih mipi ralkap pahnih le khuami minung paruk an thah hna. Sagaing ramthen Chaung Oo peng Kaan Gyi khua ah ummi a khuarmi ralhrang kawlralkap le ralhrang hnuzul Pyu Saw Htee hna nih Nizan June ni 7 suimilam 7 hrawngah mipi ralkap PDF pahnih an tlaih hna.

Culawng siloin khuami minung paruk an tlaih rih hna. Cu an tlaihmi hna cu ralhrang kawlralkap hna nih an thah hna tiah CHU PDF sin in theih a si. Ralhrang hna nih an thahmi PDF pahnih hi Chaung Oo peng mipi ralkap chungin Chaing Ko le Nandah an si. Adang minung paruk hi khuami an si tiah theih a si.

Hi konghe pehtlaiin Chaung Oo peng mipi ralkap PDF nih ngaihchiatnak a tongmi chungkhar sin ah an ngaihchiatnak zong an langhter. Ralhrang ukpennak hrawh timh in doh cuahmah lio ah a tubantukin nunnak a liam hi a poituk hringhran. Nan lo hma cu kanmah nih kan rak pehzulh lai tiah biakamnak an tuah.