Facebook ah Lian Bawi nih Thantlang Ralhrang kawlralkap Sakhan cu keimah nih ka lak lai tiah a chim. Thantlang ralhrang sakhan khi la zawkzawk hna seh tiah Social Media ah Laimi tampi nih an duhnak an langhter cio hna. Hi konghe pehtlaiin a tanglei bantuk in facebook ah Lian Bawi timi nih a tial.
Thantlang Ralhrang Sakhan khi keimah nih ka lak lai. Ka Lak khawh lo a si le nungdam in cun ka rak kir ti lai lo. Amah belte CNA zakhat le CDF zakhat ka harh lai. Cun CNA hriamnam ngaihmi ka duhmi kaa thim lai. Ralkap nan ka pek mi zong keimah nih raldoh ka chimh ta fawn hna lai.
Zenkuan zong nikhat chung deih dingin nan ka pek lai. Kaa capo bak lo nan ka zumh kho hnga dek maw? Thantlang ralhrang sakhan lak kan duh ko le a ngamh mi le aa zummi an um ko ahcun va tthua ko hna seh nan ti ahcun CNF nih ka chawn ko uh, Kaa zum in ka ngamh bak fawn. Amah belte ruahning in thil a kal lo sual ah kan thih hnu ah nan ka mawhchiat lai lo. Ralkap cu pei kan si fom cu. Ral kan tei lo cun kan thih cu a hau ve ko. Raltuk ah kanmah thih lo bak in rak kan tei lai cu a har ngaimi asi tiah Lian Bawi nih a tial.
Thawngpang dang. SAC ralkap nih hramhram in nawlngeihnak an lak hnu ah Myanmar ram thongtla thidan pek a karh caah thinphang a si tiah Amnesty International nih an chim. Myanmar ramchung biaceihzung in thihdan an pekmi hna hi minung 90 tluk hrawng an phanh caah, kumdang nak in a let 8 a karh tiah Amnesty International(AI) nih 2021 Ramkip thongtla thihdan pekmi record ah an langhter.
SAC ralkap nih mipi sualphawtnak an tuahmi cu SAC ralkap biaceihzung ah transfer in, thih tiang thongtla ding ah biakhiahnak an tuah piak hna tiah AI phu nih an chim. Ramchung ah SAC ralkap nih hramhram nawlngeihnak an lak hnu ah Hlaingtaya, Shwepyita, North Okalapa, North Dagon, South Dagon, Dagon Saithgan peng chung thongtla hna chung in SAC ralkap biaceih zung nih thihdan pekmi an tam tiah theih a si. Credit: The Chin Post.
Leave a Reply