THAWNG THA TAKTAK SI HIH RALHRANG TAMTUK ANTHAH THAN HNA

Kani pengah lunghring phortu tilawng hngahpah in hmunhma zohfelnak a tuahtu SAC ralkap hna cu kah an ton caah 30 hrawng an thi tiah theih a si. May 31 zinglei suimilam 7:00 hrawng ah kahdohnak a chuak i, chunhnu ah SAC ralkap nih van lei in kahdohnak an tuah ṭhan tiah Kani People’s Defence Force-KLG in ṭuanvo ngeitu nih a chim.

Kani in lunghring a phortu tilawng hngahpah in hmunhma zohfelnak a tuahtu SAC ralkap hna he kahdohnak a chuak, SAC ralkap hna cu tualchung hriamtlai phu lei phu 5 fonh nih kan kah hna. SAC ralkap nih drone he an kan doh caah kanmah lei minung 4 nih hliamhma an tuar.

SAC ralkap hna nih cun khuachung mi 7 cu ralphaw ah an tlaih hna caah bomb puahhnawh lo in hnu kan tolh, kan mit hmuhnak ah cun minung 30 hrawng cu an thi,” tiah KLG in ṭuanvo ngeitu nih a chim.Cu kahdohnak ah cun KLG-PDF hruainak in Naga Ngyinawng, Yoemah Fighter le MPDF phufonh nih an kah hna tiah theih a si.

Relchih. Kalay peng, Cikung khua chekgate ah May 30 chun ah SAC ralkap nih cheknak an tuah i CDF training a dih mi Salai Lal Cung Mawi le Salai Rual Sang Cung cu an tlaih hna tiah SAC ralkap thawngzamh simi Fifty Two News nih June 1 ah a langhter. Tlaih a tong mi Salai Lal Cung Mawi le Salai Rual Sang Cung cu Falam peng Hrianghnang khuami an si tiah an langhter. Hi kong ah The Chin Post nih fehter khawh mi kan ngei kho rih lo.Crd; The chin post