ZRA le CNA karlak ah kahdohnak a chuak tthan. Tedim peng Singlei khua pawngah CNA le ZRA cu April ni 27 le 28 ah kahdohnak a chuak tiah theih asi. Hi konghe pehtlaiin Salai Htet Ni nih ZRA lei hi minung 20 hrawng an si lai. Kanmah lei in a thimi kan um lo. Anmah lei in pakhat athimi hmuh a si.
I tukdoh caan hi minute pahra a rau i, tukdohnak te nau a si ko. CNA le ZRA cu april ni 27 suimilam pasarih ah voikhat an i kap i, April ni 28 zanlei suimilam pathum ah voikhat an i kap tiah zalen nih a langhter. Hi konghe pehtlaiin Tahan News ah an tialmi hi kong thanhnak an tuah mi cu a tanglei bantuk in a si.
CNA le ZRA an i kap tthan. CNA lei in minung pathum an thih pin ah an meithal zong ZRA lei nih an lak tiah a langhter. CNA le CDF hna cu Zomi Area ah an lut lengmang i, Laitui le Haimual karlak ah bomb an tunh hna. Cu nih cun Sia a puah hnawh lengmang. Bomb lamh in a thi lomi zong an kahmi a um.
CNA hna nih Sia sa cu an ei tawn i, an siaharh mi hna cu an pek ve tawn hna. Bukphir le Zimpui karlak Fartlang lei ah khuatlawng mi hna zong tangka an hal tawn hna. Zomi area ah hibantuk thil tuah ti hlah uh tiah ZRA lei nih an nawl cang hna. Asinain pehzulh in an tuah peng rih. Nizan April ni 28 ah bia i ruah dingin an kal lio Thinglei le Fartlang karlak ah CNA nih an kah hna.
ZRA lei nih an kah ve hna i CNA lei in minung pathum an nunnak a liam pin ah an meithal zong an lak piak hna. CNA le ZRA hi a voithumnak an i kah a si cang. An i kahnak hmun hi Zomi area deuh ah a si. Area i upat hi a biapi ngaimi a si. ZRA zong Hakha Thantlang lei ah an lut ballo bantukin CNA zong Zomi area ah lut lengmang ti hna hlah sehlaw a ttha ngai tiah an langhter.
Leave a Reply