Min Aung Hlaing cu president ttuan aa tim cang tiah an mah ralhrang chungin thawngpang a chuak. Atu hi Min Aung Hlaing nih Naypyidaw ah President innpi cu a tharchuah i tha deuh le dawh deuh a remh cuahmah cang. President hmun ram chungah inn zong sakchap a si i, president sunlawihnak donhsang zong a thar in an tuah.
Rianttuan tu lawng an lutchuak kho i, ralhrang kawlralkap le palik hna nih khoh taktak in an ven, Cun motor zong luhchuah a ngah mi lawng an lut kho, motor kip an luhter hna lo tiah Naypyidaw lei in an langhter. Min Aung Hlaing hi amah tein president tuan dingin aa timh tiah ramkhel lei a cuantu hna nih an rak thanh cang.
Kum 2023 ah thimnak an tuah dingmi ah Min Aung Hlaing hi president tuan aa tim ti a si. Min Aung Hlaing president tuan aa tim an tinak caan hi a sau ngaingai cang. Atu ahcun a fiang cang timi hmuh khawh a si.A ruang cu president hmun le ram a tharchuah cuahmah mi nih a fehter ko tiah an ruah zumh cang.
Cabia dang. Nikum thawk khan ‘a tang lam in Malaysia kalnak puaisa kan tuanti lai, rat a duhmi an tam tuk i a miak tuk, thlakhat ah ting thong in kan ngah lai’ tiah aka sawmmi tampi an um. Zahan nai zong ah pahnih thum nih an ka sawm, nain ’ka tuan kho ding phun a si lo’ tiah ka al hna.
Upadi tang ah business license he ningcang tein visa kan sawk piak hna hmanh ah anmah duh ning in thil a kal lo caan ah Laimi tam deuh cu ‘Facebook ka post lai, Lai media ah ka phuan lai, palek sin ah kan taing hna lai’ tiin sullam umlo mi tlerh le thangchiat a tam tuk. Biafak a ing kho pah lomi caah cun ngahmi zat le intuarmi zat ai rup lo, lungthin a buaimi a fak deuh tawn.
Upadi tang rian kan tuan lio hmanh ah hitluk complain le tlerh a tam ah upadi he ai kalhmi puaisa cu tuan tuah ninglaw kai thupnak ding hmunhma hmanh a um hnga lo, ek inn ah tlak sual bantuk a si hnga. Ka tih tuk. Cun, mi tampi lungthin ah puaisa pawl khi zeibantuk retheihnak hmanh um loin phaisa tampi an ngah tiah kan ruah hna.
Cucu a dikmi a si lo. Tulio puaisa tampi khi zaran nih kan intuar khawh lomi lungretheihnak le thangchiat nak phuntling an ing ve, a fawimi rian a si lo. Hi ruang ah a lungthin a thawng bakmi lawng nih caan sau an tuan khawh khi a si. Credit: Salai Lungthlitum
Leave a Reply