Thawngpang tawi, Poi taktak. Rakhine ralzam an umnak inn a kaang. Rakhine ram Kyauktaw peng ralzam hna an umnak camp cu May ni 8 zan suimilam hleihnih hrawngah a kaang tiah theih a si. Ralzaam hna an i dornak hmun, a kaang mi hi inn zathum renglo a si tiah thanhnak an tuah.
Cabia dang. Bible thiamsang, theologians le biblical scholars cheukhat nih zarhpi ni i Nu le le pa le ni biakinn i tuah hi an pom lo, siasal biak phunkhat ah an ruah. Keizong ka pom ve lo. Zarhpi ni cu Pathian biaknak ca lawnglawng ah hman ding a si ko i cu ve bantuk in biakinn zong Pathian biaknak ca lawng2 ah hman ding a si ko.
Nu le Pa cu Pathian can ai phun ah chiah i biak hna a lo tak cu. Nu le pa cu nitin in kan hmuh hna i kan pawngte ah an um bantuk in dawt khawh peng ding tuk kha kan rian a si ko. Nu le pa Ni tuah kan duh ahcun ni dang ah tuah ding a si ko. Hmur le kaa le cattial lawng in nu le pa dawt cu a tlam a tling lo. Tuahsernak tuk in dawt kha a biapi deuh.
Laimi hoi hna cu kan nu le kan pa hna hi tuahsernak in kan daw kho cio hna lo. Kawl miphun hoi hna cu an nu le an pa an dawt ning hna le an upat ning hna khi zoh tik ah a biak in a biami ko an lo. An chimh an ngai bak, an ttihzah bak hna. Chim duhmi cu nitin le a nazi ttem in kan nu le kan pa upat hna ding an si ko.
Nu le pa ni lawng i nu le pa a daw ngai bantuk phun si cu a deu si. Nu le Pa ni zong zarhpi ni le biakinn chungah tuah lo ah a ttha ka ti ve, Bible thiamsang cheukhat pawl ruahnak ka hrawm ve. Hringtu nu le vialte hna Pathian nih thluachuahnak phun2 le nun saunak in pe ko hna seh. Credit: Van Tum
Leave a Reply