Ramdang kal aa timmi Mai Van Lawm Par (Kum 19) Hakha ah SAC ralhrang nih an tlaih. 2022 June 10 chun Hakha in Yangon lei panh in a kalmi motor cu Hakha-Gangaw lam gate ah an check i Mai Vanlawmpar cu a phone chung ah ralkap uniform he hman aa thlaknak an hmuh ca ah an tlaih tiah thawng theih a si.
Mai Van Lawm Par hi Thantlang Peng, Zahnak Tlang Dawn khua mi a si i nulepa, unau hna he khua a sa mi a si tiah kan theih. Hi kong he pehtlai in Dawn khua upa pakhat nih, “Kan fanu te hi tanghra a dih rih lomi a si. Amah hi ramdang lei ah kal aa tim mi a si i a phone ah hmanthlak an hmuh ca ah atu bantuk in an tlaih mi a si.
A nu hi kum 40 upa a si i nizaan nai te ahkhan nau an nei. Ramdang kal aa timmi a si,” tiah CCN ah a chim. Mai Van Lawm Par (kum 19) hi Dawn khua in ramdang kal aa tim i zarhkhat a tlin hlan ah atu bantuk in an tlaih hi a si.
Cun, CDF na si, naa pehtlai ti ruang ah tlaih a tongmi kum 19 tang nu hi minung 6 hrawng Palek sakhan thonginn ah an hren hna tiah kan theih.Miphun rian ah, CCN Team. Credit: CCNC
Cabia dang. Nan thlacam bawmhnak thawngin Aizawl ka phan kho. Ka el ruh kha ai cheu si loin a kiah bakin a kiak i tuni operation an ka tuah zongah sau ngai an rau. Fawite ah ihlihphuah khawh dawh ka si lo caah faak piin thlacamnak in ka dirpi rih u tiah kan nawl hna. Tulio harsat caan boruak asi caah harsatnak tampi kan tong i lungre a thei.
Thlacamnak in siseh, pumpaak thazaang peknak in siseh, phaisa lei zongin a ka bawmchaantu nan cungah kaa lawm tuk. Thazaang petu zong hi thazaang pek kan herh tuk lio caan a um. Philh khawh lo ding phunhnih an um: harnak ton lio caan ah zaamtaaktu le harnak ton lio caan ah bawmtu an si.
Tutan ah hin hitluk in maw dawtu ka ngeih ti ka ruah i thazaang a ka pe pengtu zeitik hmanh ah nan dawtnak ka philh kho lai lo. Bawipa nih hmailei ah nanmah bawm kho dingin caan a ka pek hrimhrim lai tiah zumhnak ka ngei. Credit: Zoramsang
Leave a Reply