Kalaymyo Tahan A Group le Group B ah ralhrang kawlralkap le mipi ralkap an i kap cuahmah. Kahdohnak hi suimilam pahnih chung deng an i kap tiah theih a si. Tuzan Suimilam pasarih hrawng in Kalaymyo Tahan A Group le B Group chungah meithal puah thawng le bomb puah thawng biatak tein theih asi.
Suimilam pasasrih le cheu renglo ah hriamnam ngan bomb puah thawng nih a vun zulh i, Suimilam pasarih le minute sawmli pariat ah bomb le meithal puah thawng a thang cang. Tahan ummi sang pakhat hna cu a himnak hmun ah an um hna tiah tunai te ah khan thawngpang theih a si.
Meithal le Bomb puahthawng pehzulh in a vun um tikah mipi hna cu thinphang ngaingai in an um hna. Cun pariat le minute 48 hranwg ahcun bomb puah thawngin cu a hung dai cang. Asinain inn pakhat ah bomb a tla i a thimi an um le um lo fiang tein theih a si rih lo. Tahan Group B sianginn pawngah a ummi NL Rudy Malsawmthar cu bomb nih a hliamh.
A hliam hma zong a fak ngaingai tiah theih a si. Tuzan Kalaymyo Tahan ah bomb le meithal puah thawng hi suimilam pahnih tluk deng a si tiah an chim.Atu lawlsaw se ah cun meithal puah thawng le bomb puah thawng theih ding a um rih lo a dai ngaingai cang tiah an langhter.
Adang. Breaking News. Tuzan ralhrang kawlralkap hriamnam ngan kahthlah mi Bomb nih NL Rudy Ma Sawm Thar a hliam. A hliamhma a fah deuh caah thlacamnak in bawm cio hna usih. Tuzan Kalaymyo ralhrang kawlralkap hna nih hriamnam ngan bomb voitam pi an kah thlah.
Culawng siloin meithal zong voitam tuk an puah cuahmah. Atu hi ralhrang kawlralkap hna le Mipi ralkap hna an i kap maw kap lo timi theih asi rih lo. Asinain bomb puah thawng le meithal puah thawng hi voitam tuk pehzulh a puak cuahmah. Tuzan ah a cunglei langhter bantuk in NL. Rudy Malsawmthar cu bomb nih a hliamh.
Hi konghe pehtlaiin Tahan News Group ah thanhnak an tuahmi cu Tahan B Group ah a ummi NL Rudy Malsawmthar cu bomb tlak nak nih a hnak ah a hliam. A hliamhma hi a fak ngaingai. Thacamnak in bawm cio hna usih tiah Tahan Newspaper nih an langhter.
Leave a Reply