THAWNGPANG TTHA A VUN CHUAK TTHAN HOI KO

Inn zuat satil a duh paoh a tuahtu le mipi innchung vialte ah lut in a firtu ralhrang kawlralkap hna cu mipi ralkap nih an kah hna i pakhat an thah pin ah meithal zunkhat zong an lak chih. Karen ramkulh Phasu peng. Daw Lay Khu khua ah mipi umnak inn tampi hna cu ralhrang kawlralkap hna nih an luh hna.

Inn chung thilrih vialte le inn zuat satil hna cu an fir hna. Mifir pawl hna cu Nizan July ni 166 ah mipi ralkap KA le KNDF nih an kah hna i minung pakhat a thi i, meithal zunkhat zong lak a si tiah KNDF lei in thawngpang theih a si. Mipi thilri firtu an kahmi hna hi Tatmah 66 chung an si hna.

Kahdohnak caan hi a tawite lawng a si. Minute pahra chung lawng a si i, hi kahdohnak ah mipi ralkap lei in a nunnak liammi le hliamtuar mi an um lo tiah theih a si.Atu kah a tongmi ralhrang hna hi a firkhu taktak mi an si, Mipi inn an bauh i thilmansung an lak pin ah inn satil an duh paoh an thah i an ei tiah an langhter chih.

Falam-Hakah kar ah a Thimi SAC Ralhrang Ruak pawl Lamkam ah an Khangh Hna. Falam-Hakha karlak kahdohnak ah a thimi SAC ralhrang ruak pawl cu Ramthlo le Donthek karlak lamkam ah an i khaang i kan miphun ralkap hna ruak an i khanghnak hmun cun video le hmanthlak record an tuah hna. Kan hnu Hakha-Gangaw lam kahdohnak zong ah khan atu bantuk hin SAC ralhrang nih a thimi an hawile ruak pawl lamkam ah an rak khangh cang hna.