THAWNGPANG TTHA TAKTAK AN VUN THANH CANG HIH

Kayin Ramkulh Nithum Chung Kahdohnak Ah SAC Ralkap 100 Leng An Thi! Kayin ramkulh Myawady thlanglei, Shweayemyine khua lei ah rallam a sialtu SAC ralkap hna le Venom tualchung hriamtlai phufonh hna cu nizaan July 30, zinglei suimilam 11:00 hrawng ahkhan fak ngai in an i kap i, cu kahdohnak ah cun SAC ralkap 80 hrawng an thi.

Tualchung hriamtlai phufonh lei in ralkap 3 nunnak a liam ve, tiah VENOM phu nih cathanh an chuah. SAC ralkap ṭaṭ-mah 44 kuttang um ralkap hna cu Wawlay peng in rallam an sial i, Saw Win Myint hruai mi VENOM phu le Aye Sae Wa hruai mi Lion phu nih an kahdoh hna. July 27 in July 30 tiang kahdohnak a chuak i, cu kahdohnak ah cun SAC ralkap 100 hrawng an thih lengah zeimawzat hliamhma an tuar. Tualchung hriamtlai phu lei in minung 4 nunnak a liam, tiah an cathanh ah cun an ṭial. Credit: The Chin Post.

Thawngpang dang relchap. CHIAPA THLACHUNG AH MIZAPI RALKAP 7 An Nunnak Liam. Lai ramkulh ah ralhrang le mizapi ralkap fonh Chiapa 1- 31, zaanlei suimilam 6:00pm tiang ah mizapi ralkap 7 nih miphun le ram caah an nunnak an pek, ralhrang 100 hrawnghrang an thi, ralhrang nih mizapi inn an baoh thilri an fir,

inn an khangh, Biakinn tiang an thurhhnawmh, sualnak ngeilo mizapi zong an thah hna. Miphun le ram caah nunnak liammi hna cu Pakhatnak. Salai Bawi Za Ceu ( CDF Thantlang) Pahnihnak. Salai Hram Cung ( CDF Thantlang) Pathumnak. Salai Roland Kil Kam Thang ( CDF Hakha) Palinak. Salai Danial ( CDF Hakha) Panganak. Salai A Lawng ( CDF Matupi)

Paruknak. Salai Lal Biak San ( CNDF) Pasarihnak. Salai Biak Hnin Thang ( CDF Hakha). Cakilh: Hihi cu The Lairam Times nih Record kan tuahmi a si, ralhrang ruangah hliamtuar le ralhrang nih thahmi zat bal kan langhter lo. Kan palhnak zong a um kho, cucaah zalong te’n chim kawh a si. Credit: The Lairam Times.

Be the first to comment

Leave a Reply

Your email address will not be published.


*