THAWNGTHA RALHRANG CEILAK ANTHAH THANHNA CDM TUAH MI ZONG ANUM

Thanintharyi ramṭhen, TaYetChaung(သရက်ချောင်း) peng, TayChaungKyiOh(သဲချောင်းကြီးအောက်) palik camp cu PDF nih June 3 ah an laak i SAC lei in 4 an thi, tiah PDF sin in theih a si. June 3 chun sml 12:00 hrawng ah HtarWay(ထားဝယ်) pengkomh, TaYetChaung peng TayKyiChaung palik camp cu PDF an luhhnawh i, kahdohnak a chuak. Camp cu PDF nih an laak khawh. An hawile bawmh ding in a rami SAC ralkap pawl nih hriamngan in an kah caah tualchung mi 1 a nunnak liam, tiah theih a si.

Cu kahdohnak ah cun sml 2 chung hrawng an i kap i, SAC ralkap 4 an thih lengah 7 hliamhma an pu. PDF lei in a thimi le hliamtuarmi an um lo, tiah theih a si. SAC ralkap cu ti lam he tlang lam he an hawile bawmh dingin an ra i, hriamngan an thlah pah caah tualchung mi hna cu an zaam dih. Zanlei ah TayetChaung khua chung palik camp ah SAC ralkap thazaang an chap hna, tiah tualchung mi hna nih an chim.Crd;The Chin post

Thawngdang.Magwe ramṭhen, Pakokku pengkomh, Kamma( ကမ္မ) peng, Kyat Htoe(ကျတ်ထိုး) hmunhma palik sakhan in palik Phyo Min Aung cu nizan June 3 ah a hriamnam he CDM a tuah tiah Myaing peng khuate lei mizapi vengtu ralkap phu MVRF sin in theih a si.Palik Phyo Min Aung cu G3 meithal 1, kuan bawm 2, Kuan 109 he CDM a tuah. Cu palik Phyo Min Aung cu MVRF nih Phaisa Sing 100 laksawng ah an pek tiah theih a si.