Ralhrang kawlralkap le mipi ralkap an i kap. Ralhrang kawlralkap minung 21 an thih pin ah minung tamtuk hliam an tuar. Minkin peng, Zinkalay khua pawngah ralhrang thaazaang minung 150 hna cu Nizan April ni 26 ah mipi ralkap phuruk fonh nih bomb an puah hnawh hna pin ah an kah rih hna.
Hi i kahdohnak ah ralhrang kawlralkap lei in minung 21 an thi i, minung tamtuk hliam an tuar tiah mipi ralkap lei in DRPA nih thanhnak an tuah. Cun ralhrang kawlralkap hna nih khua an khangh tiah an thanh chih. Hi i tukdohnak ah mipi ralkap lei in aa hliammi le a nunnak a liammi an um lo.Asinain cycle pahnih a rawk tiah an chim.
Cabia dang. Robbie Savage nih Cristiano Ronaldo kong a chimmi cu a turu ko. Robbie Savage nih a timi cu Ronaldo hi um rih dingin an tlaih a hau. Tutan Season ah Goal 22 bak a khumh cang. Ronaldo nih a goal mi ah point 13 a hmuh cang. Amah nih a goal ruangah Champions League knockout stage ah a luhpi hna.Minung tthenkhat nih team caah harsatnak a chuahtertu a si an ti maw?
Hi hna pawl hna nih an chimmi hi cu zeihmanh lo a si, i an chim sawhsawh mi khi a si tiah a chim. Ronaldo hi kum 37 a si nain season thar ah hin Manchester United caah pehzulh in a chuih lai maw timi theih a si lo.Hi lio caan ah Manchester United nih striker thar an kawlpah tiah thawngpang an leng. An kawlmi hi Spurs hmaikal Harry Kane le Benfica forward Darwin Nunez hi an si tiah thawngpang a leng ngaingai. Culawng siloin Manchester United nih hin players thar minung pahra hrawng an lak men hna lai tiah Ralf Rangnick nih a rak chim.
Leave a Reply