Thla hnih le ni li ai duh. Ma-ae-lu Min Aung Hlaing zuatmi sachia pawl nih TT khuapi duah hram an rak thawk lawng si loin, kan biaknak zong zei rello le nihsawh thlanglamhnak an rak langhternak ni phanh dingah ni 66 lawng aa duh. Thla hnih le ni li bakte a si. Nikum September ni 18 ni kha philh awk a ṭha lo.
TT Sianginn Sang lei ah bomb shells in an rak kah hna i khuapi khangh hram an rak thawk ni a si. Innlo an kang cuahmah. Mino pastor te phu nih innlo kaangmi phalh dingin an rak fuh hna. Pastor le tor lo zei an rel lo. Lampi ah sachia pawl nih an rak kah hna tikah, pastor pakhat a nunnak a rak liam.
Misual pawl kha ‘an hngawng tan dih i thilo nunglo in chiah a duhmi kan rak tam ngai’. Kan mawh lopi. Kum khat tling lai. “Nihin zei dirhmun dah?” ti in bia ihalnak um sehlaw. Tla duada miphun sawh men kan sinak a hun lang cuahmah ko cang.TT khua cu Mualhlun le Cinzah tlakmi si tiah an ti. Kei cu TT khuachuak fa ka si lo. An phunhawi zong ka si lo.
TT khi Kawl ralkap Major reng luklak nih buuk an rak ser tawnnak khuapi a si. Major reng luklak pa nih Laimi (Chin pawl) zei an kan rel lonak an rak langhternak khua ah aa cang. Lai (Chin) pawl hi ngan tukin mah le mah ichim kan hmang. UN Gen-Sec phone ka chawnh lai i Min Aung Hlaing ralkap cu an kan dohpiak lai ti hrawnghrang Mahawtada tepawl,
Australia cozah cu kan hawikom tuk an si le an kan bawmh lai ti phun deng in mipi thinlung hiip aa tim vemi hei ti tepawl, sopawt ngang i “ra u ca, kan iphomh hna lai cu” a rak titu naalkaduapi hei ti tepawl, kha hna pawl kha ka rak zum bal hna lo. Kum khat tling cang lai khih! Zeidah nan tuah khawh? Zei strategy dah nan ngeih?” tiah special interrogation phun tuah si hna sehlaw, zeite an ngei lai lo.
Thli (lih) lawng an chim khawhmi si lai. Mah caah ngol caan a cu ko cang. Ningzak lo le iphuhrung lo te in ingol diam awk an si ko cang. Raltuk timi cu teinak hmuh duh ah tuk a si. “Teinak kan itinh lo” ti bu i do kan thleng ve lai ti cu lih le hruh a si. Hrokhrol le damiah rian, khuachia hlennak bia ihruhpi bantuk a si.
Kum khat a van tlin khin cun, kei zong ka cover hmanthlak te khi ka thlen ziarmar ve ko cang lai. Judah miphun nih hriamnam in an rak tei lo dingmi Rome ralkap an rak doh lo. Babylon le Persian pawl an rak doh hna lo. Nain, anmah miphun ihumsualnak dingah phunglam le phungphai, zumhnak le biaknak tu felfai le fekte in an rak iser. Mah le mah an irak ihngal, kan ti ko lai. Credit: Salai C Alexander
Thawngpang dang. Hakha CDF ikahnak update: Tuni July ni 13. Zelle in $ kuatnak. 7047947628. Hakha lei in a rak chuak mi khuachia ralhrang kawlrak hna cu kan ralkap hna nih zing suimilam pahra in zaanlei suimilam pali tiang Chun nitlak bak te an i kap. Khuachia ralhrang kawlralkap hna cu minung panga an thi. Ralhrang kawlralkap minung panga a thimi hi fiangtein comfirm mi an si.
Nizan July ni 12 zongah khuachia ralhrang kawlralkap hna minung pali hna cu hriamnam ngan a pumi hna cu kan ralkap miphun pasalttha ralkap hna nih choi in an kah hna tih an langhter chih rih. Kan kuan tamlak kan hman.Bawipa thawngin ramtha phan paycheck aa thoh mi unau hna daithlang hlah ulaw. Hakha lei a rak lut ding he Hakha in a va dong ding he kham a hau i kan ralkap hna an thaa baa ngai te. Thantlang CDF nih kuan tamlak te tuani ah aa kan chanh i lawmtuk hringhran tiah an langhter. Chinmi vialte hna nih thaazaang chuah rih ko hna usih. Kan tei hrimhrim lai.
Leave a Reply