CNA le CDF Hakha thlacamnak in bawmcio hna usih. Ralhrang kawlralkap thaazaang 400 hrawng he an i kap cuahmah. Ralhrang kawlralkap lei in minung 20 hrawng an thi cang. CNA, CDF Hakha le Ralhrang kawlralkap hna cu Lungcawi le Lamtuk karlak ah an i kap hna.
Gangaw in Chinram ah a rak kaimi ralhrang kawlralkap minung 400 hrawng hna cu Nizan April ni 23 zanlei suimilam pali le cheu in panga le minute 15 ah Lungcawi le Lamtuk khua karlak ah CNA/CDF nih an kah hna. I kahdohnak ralhrang kawlralkap a tlawmbik minung 20 an thi. CNA/CDF lei cu an him rih thlacamnak in bawm cio hna usih.
Thawngttha bia. THIANG THLARAU. Nihin caah kan herh bik THIANG THLARAU. THIANG THLARAU cu kan nunnak caah kan herh bik le kan caah a țha bik a si. A zeizong le a lamkip caah kan herh bik le kan caah a țha bik a si.BAWIPA JESUH KHRIH kan nun i a Bawi Bik khawhnak cu THIANG THLARAU thawng lawngin a si.
Kan Miphun le kan Ram ah JESUH KHRIH a Bawi Bik khawhnak ding cu THIANG THLARAU thawng lawngin a si kho. Chinmi dihlak unau taktak bantukin kan i dawt i kan i rualrem khawhnak ding cu THIANG THLARAU thawngin a si kho! Mițhalo pa le țhatlonak vialte lakah a kan vengtu le kan raldohnak ah a kan Bawm khotu a si.
Chinmi vialte nih, Dawtnak THIANG THLARAU, rualremnak THIANG THLARAU, nun sersiamtu THIANG THLARAU hi kan hal bik ding le kan kawl bik ding a si. Atu ah hal law, atuin kawl law, atuin king lengmang ko. Kan hmuhkhawhnak hnga, lungțhumh, tangdor, sualphuan, sual mertaak te hna in aman kan pek huam awk a si. BAWIPA JESUH KHRIH thawngin, kan PATHIAN nih a THIANG THLARAU cu rikhiah ngei loin intoih ko hna seh. Amen.KHRIH sal (Lamkaltu) Tluang Lian (Martar).
Leave a Reply