THLACAM KAN BAWM ULAW, RALHRANG NIH RANGON AH AN TLAIH

Thlacamnak in kan bawmcio ulaw. Rangon ah kanmah Chin nu pakhat an tlaih. Hi konghe pehtlaiin mipi sin ah thlacamnak a cah. Ka tunu, Ka farnu fa hi Rangon ah a ummi a si i, Pumhnak a kalnak ah ralhrang kawlralkap hna nih an tlaih. Him dam tein a chuah khawhnak dingah thlacam kan bawm uh, Hmangaihi Fanu Elizabeti tiah a langhter.

Thawngpang dang Khua pahnih ah Motor cycle a firmi minung pahnih an tlaih hna. Ramri a ummi vialte hna nih i ralring cio hna usih. Ram buainak a chuah hnu ah a himnak hmun ah zaam cio a si i, khuapi in khuate ramri hrawngah i dor cio a si. Khuate lei cu aa dormi an tamtik ah motor cycle zong tampi a um.

Culio caan ah mifir pawl nih caantha ah an i lak i, motor cycle an firpiak mi hna a tlawm ti lo. I ralring taktak a hau cang. Tutan zongah ramri ah a ummi khuami cycle hna cu Lal Rem Pui le Sawma timi nih an fir i, an tlaih hna tiah theih a si. Hi konghe pehtlaiin khuami pakhat nih a tanglei bantuk in a langhter.

Lal Rem Pui le Sawma timi nih Sialam khuami cycle le Hmunhalh khuami cycle an fir. Asinain Pangkhua khuataw ah Sialam BMB hna an tlaih hna tiah a chim. Cycle firtu hna hi Kawlcaw ah a ummi an si tiah a chim chih. A cunglei langhter bantukin cycle fir a tamtuk caah cycle a ngeimi hna nih i ralring cio hna usih.