Tuni July ni 30 Chinram khualipi Hakha le Thantlang karlak Timit kuang hrawng kahdohnak ah ralhrang kawlralkap uico rual hna cu minung 25 cawlcaang kho loin Chin ralkap nih an tuah hna. Minung 10 ralhrang an thi i, minung 15 hrawng ralhrang hna cu hliam an tuar tiah theih a si. Hi konghe pehtlaiin tuni ah Salai Williams nih a thanh mi cu a tanglei bantukin a si.
Update. Timit kam kahdohnak ah Chinland ralkap nih ralhrang an nawn mi hna dihlak 10 an si i, an hliamh mi hna 15 an si. Kanmah tuah khawhmi le ti khawhnak silo,Bawipa nih a kan dirpi i,thlacam tu hna aw Bawipa nih a ngaih zungzal ti a lang.
Tuandeuh vak thilcang.Timit kahdohnak theih chungmi vialah, hmunril uico pa nga a fiang i kee kiak tbk an um len nain a zat chimfian awk har rih.Cun, Timit hleidonh nak thilri phor ding motor kha an i leet rua,tutiang Timit leiah motor a phami an um rih lo tiah theih si. Tulio te hi cu an vun dai rih. Share khawh peng si muh. Chim awk ttha vial ka hun thanh. Credit: Salai Williams Hlawnceu
Ngaichiatnak thawng. Rev. Fam Buai fanu NI. Zopari nih nizan July ni 29 ah hi vawlei nunnak in mual aa kan liam taak tiah theih a si. A nunnak a liammi NI Zopari hi Sanmyo ah a ummi Rev. Fam Buai fanu a si. An khrihfabu hi Wesley Sanmyo a si tiah an langhter chih.
NI Zopari hi Yangon sizung ah chungkhar le Khrihfabu hawi le kom hna aa kan kaltaak. Aruang hi Sanmyo ah vun tlunpi cuahmah lio a si. Amah hi kum 51 a si cang mi a si i, Nizan July ni 29 zan suimilam hleihnih deng ah hi vawlei nunnak in mual aa kan liamtaak. Kaltakmi chungkhar Bawipa nih nan ngaihchiatnak in hnem ko hna seh. Ruak vuitu ding hi Rev. D. Lawmsanga asi lai tiah an langhter.
Tuchun thilcang. SAC ralhrang nih Hakha, Rungtlang in miakpi in kah an bawmh hna. Asinain, kan miphun ralkap lei in a nunnak a liammi an um lo.SAC ralhrang lei tu in hliamhma a pumi an um len i a thimi zong an um kho. Nihin zaanlei sml. 2:30 hrawng khan kahdohnak a hun dai. Asinain, zeitik caan poah ah i kahdohnak hi a chuak tthan khomi a si. Nihin kahdohnak in a kir tthanmi SAC ralhrang pawl hi Hakha khuachung ah an rak lut rih lo, tiah khuami nih an chim.
Leave a Reply