CDF-Matupi Nih SAC Ralkap 7 An Thah Hna. 2022 April 28 zing suimilam 7:30 ah Matupi in Kyaukthuh(ကျောက်ထု) lei rallam a sial mi SAC ralkap 300 hrawng le mawṭaw 70 cu Matupi-Mindat lam, Matupi in meng 16 a hlatnak hmun ah CDF-Matupi nih an kah hna.
Cu kahdohnak ah SAC ralkap lei in 7 an thi i, hliamhma pumi an tampi, tiah CDF-Matupi nih cathanh an chuah.CDF-Matupi hmunram ah SAC ralkap nih thazaang an chap tuk caah kahdohnak a zual kho. Cucaah fak piin thlacam kan bawm ko u, tiah an cathanh ah an langhter chih. Credit: The Chin Post.
Thawngpang dang. Mitthli bak a tla ko, Kan Unau Mizo pawl thiltuah cu lung a hmuituk hringhran. Nu hmei pakhat HIV zawtnak a ngeimi hna chungkhar caah HOPE & FAIH dawr an on piak hna. Tuni April 28 ah HIV zawtnak angeimi nu pakhat cu bawmchantu hna thawngin dawr an on piak cang. Amah hi HIV zawtnak a ngaih ruangah a vapa nih a zaamtak i Nuhmei dirhmun in a um.
Tutan ah dawr an tuahpiak mi zong hi bawmchantu hna thawngin a si. Dawr tuahnak dingah a dih mi hi India tangka in 64386 asi. Cun a hleimi india tangka in thong 30 zong an nufa harhnak ca i hman dingah an pek rih hna.Zaangfak ngai a simi Nuhmei Nu hi a vapa nih HIV/AIDS zawtnak angaih ti a theih hnu ah an Gas dur alak i, a nupi le a fale hna cu a kaltaak hna.
Midang panh ding a theih lo ruangah an khua i, a nu le pa a va fuh hna. Asinain a nu le pa zong nih an umpi khawh lo caah an chuahter tthan.Atu ah hin an nufa tein Falkawn ah inn man zong cawi loin midang bawmhchanhnak thawngin inn an hlanter hna. HIV zawtnak a ngaih ruangah a fanu hngakchia deuh zong a hnuk a dinhter ngam lo i, caw hnuk a chumh i a dinter tawn tiah an langhter. Ruahchannak le zumhnak he hram thok hna sehlaw Pathian nih an Nufa in zohkhanh ko hna seh.
Leave a Reply