Tuni Sunday i kahdohnak ah ralhrang kawlralkap minung 38 an thi tiah an langhter. Tuni Sunday July ni 17 rampi huap ralhrang kawlralkap le mipi ralkap i kahdohnak ah ralhrang kawlralkap lei minung 38 thah an si i, mipi ralkap lei in minung pakhat nih ram le miphun caah a nunnak a pek ve (Mipi ralkap lei hi an tlaihmi a si) . Thil a cannak hmun cu a tanglei bantukin a si.
Demosu kahdohnak ah ralhrang kawlralkap pahnih an thi i, Nwahtu kahdohnak ah ralhrang kawlralkap minung pahnih an thi tthan. Cun Sagaing ramthen Maw Leih kahdohnak ah ralhrang kawlralkap minung pasarih an thi i, Mandalay khuapi kahdohnak ah ralhrang minung pahnih an thi tthan. Cun Phakanh le Seyin kahdohnak ah ralhrang 25 an thi. Magway ramthen ah mipi ralkap pakhat tlaih a si.
Thawngpang dang. Hakha sizung ah ralhrang kawlralkap hliam atuarmi minung 15 hrawng an chiah hna. Cu chungah kumtlinglo zong an i tel tiah theih a si. Ralhrang kawlralkap hna cu Nizan zanlei suimipa pali renglo ah Hakha an phan. Ralhrang Hakha an phak lio Dawrthar sangah Bomb voikhat a puak. Asinain hliamtuar an um lo tiah theih a si.
Hi konghe pehtlaiin khuami pakhat nih a chimmi cu dawrthar sang ah bomb voikhat a puak a sinain hliamtuar le a thimi an um lo tiah a chim. Falam lei in ralhrang kawlralkap hna cu motor 18 he Hakha khuapi an lut. Ralhrang hna cu July ni 7 ah Falam in an rak i thawh. Falam le Hakha hi suimilam pahnih lawng a rau mi a si.
Asinain ralhrang kawlralkap hna cu Ni 10 a rauh hnu ah Hakha an phan.Lampi ah Chin ralkap fonh hna nih an kah hna i, ralhrang kawlralkap minung 30 nak tlawmlo an thi. Athimi zat hi fiangtein theih khawh an si lo. Hakha an rak rat pah ah ralhrang hna nih Taal khua le Chuncung khua ah inn 35 an khangh tiah theih a si.
Leave a Reply