Vawlei cung minthang Tyson Fury cu aa thuat kan hmu kho ti lai lo. Kai din cang lai tiah thanhnak a tuah ruangmang cang. Tyson Fury nih a timi cu Tangka tampi pin ah hlawhtlinnak siseh ngandamnak ttha le nupi dawh taktak ka ngei i, ka caah a dang a harh ti lo tiah a chim.
Tyson Fury hi kum 33 lawng a si rih. Kai din cang atinak kong hi nirukni i, Dillian Whyte knockout atuah hnu ah a chim cang. Arak chimmi bia cu Piers Morgan’s TalkTV Show ah fehternak a tuah. Hi ka biachahnak hi keimah lungtling tein ka tuahmi a si i, chungkhar he nuamte in caan hman ka duh caah asi tiah a chim.
Midang dang he i ton ka duh ko nain ka caah cun a za ko cang, Kai dinh hi a hau ko cang. Kai lawm hringhran ko ka ngandamnak zong a ttha i, lungfim tein kai dinhnak hi ka thanhmi a si, Aka dawtu le nupi dawh ka ngei i, a mah he duh a nung mi fa paruk kan ngei. Ka hlawhtlinnak he tangka tampi, minthan nak ka ngei i a dang a hau ti hme maw? tiah a chim.
Cabia dang. Myanmar ram in India ram ah phunglut lo thilri lutmi a tam tuk caah May 1 thok in India-Myanmar ramri gate cu sml 24 chung cheknak kan tuah cang lai, tiah Mara zatlang bu nih April 27 ah cathanh an chuah.2021 February 1 ah kawl ralkap nih mizapi nawlngeihnak cu hramhram in a kan chuh, Cu ruang ah kawl miphun pawl zong an duhlonak an langhter, zung rianṭuannak in an chuak, CDM an tuah hna i hriam tiang an tlai ve.
Uknak an lak caah mizapi cu an inn le lo an chuah tak hna i India(Mara) leiah an rak zaam i kannih nih miphun, biaknak thleidannak um loin kan si khawh chung in kan zohkhenh hna, tiah an langhter.Sihmanhsehlaw ramri gate in zu, rithaisi le phunglut lo thilri hna cu an rak luhpi lengmang caah kan lung a ṭha hrim lo. Hiti an rak luhpi caah kan ram chungah sualnak a tuahmi an tam i harnak kan tong.Kan zatlang bu le kan umnak hmunram a hnorsuangtu hriamthil zong voi thum kan tlaih cang, India cozah nih a onh lomi cu kamanh zong nih kan onh ve lo.
Cucaah 2022 May 1 thok in MTP General Headquarters (Siaha) le MSO General Headquarters (Siaha) i fonh in Sub-Headquarters hna le Branch dang hna he ramri gate a simi Siasi, Chapi, Zyhno, Laki, Khaikhy, Lobo cu nikhat chung cheknak kan tuah cang lai, tiah cathanh an chuah.Ramri gate ah phunglut lo thilri nan luhpi ahcun kan zatlang phung ning in biaceih nan si lai, tiah an telhchih.
Leave a Reply