Dohthlennak ah ṭangṭi phu hna he i bawm in mahte khuakhan lairelnak khawhnak a ummi Karenni ram kan ser lai, tiah nizan May 31 ah KNDF kumkhat tlin camtuak ah Karenni Nationalities Defense Force(KNDF) Chairman Hkun Bi Htu nih a chim. KNDF lam hlat lam nai in a bawmtu, NUG siseh KNDF he ṭangṭi phu si hna seh, lunglawmhnak tampi kan ngei. Hramhram uknak a dongh tiang kan doh lai i, Federal Democracy kan hmuh hlan tiang kan pehzulh lai, tiah a chimchap.
KNDF nih ramkhel biahren a ngeihmi ning in mahte khuakhan lairelnak khawhnak a ummi, Karenni ram ser ding le hramhram uknak tei khawh nakding ca ah ramkip um dohthlennak phu he i pehtlai in kan ṭuan chuah lai,tiah Hkun Bi Htu nih a chim.KNDF an dohthlennak kum khat tlin camtuak ah anmah he ṭangṭi a simi AA, KNLA, BPLA le MNDAA hna nih lawmhpinak ca an kuat hna, tiah theih a si.
Ṭangṭi phu AA, KNLA le MNDAA hna nih KNDF hruaitu pawl an i zuamnak le an thil tuahmi an zoh tikah an upat an cohlan hna i, kan si khawh chung in kan in bawmh hna lai, tiah ṭangṭi phu 3 hna nih cathanh an chuah.Crd;the chn post
Leave a Reply