Yangon in UK Ambassador An Kirter Than Cang. Ralkap nih hramhram in nawlngaihnak an lak hnu in, pehtlaihnak a rawk cuahmah mi lak ah pakhat hi ramkip he an i pehtlaihnak a si i, Ambassador cheukhat an kir than cang. Nihin ah UK Ambassador nih Ramkomh Kawlram ah riantuan ni a donghnak a si cang, ka kir than cang lai tiah a pumpak Twitter in a thanh.
Ralkap nih hramhram in an ka dawi, an ka kir ter caah ka ngaihchia, ka lungtha lo, asinain, phung in cohlan ding ah tuah a herhmi le ningcang lo in an cawlcanghnak vialte cohlannak (legitimise) siter lo caah ka lawm tiah, Pete Vowles nih a chim. Keimah ka kir hnu zong ah, Uk in Myanmar ah a tangmi a cawlcang cuahmah mi nih, an si khawh chung in an izuam cuahmah lai i,
Kawlram mi caah remdaihnak, zalonnak le dingthlulairelnak (justice) a um khawhnak ah fakpi in an tuan ko lai tiah UK Ambassador nih a pumpak Twitter ah a tial. Nihin tiang ah, Yangon ah a ummi Embassy tampi in, Ambassador sinak a ngeihmi riantuantu a kirmi an um len, cuchung ah Germany, Brunei tbk. an i tel i, caan saupi Ambassador a ngei lomi hi ASEAN ram chung in Thailand, Viet Nam tbk. hi naite lawng ah palai an rak thlah than hna tiah theih a si. Credit: The Chinland Post.
Breaking news. Hakha in Ramthlo lei ah aa thawh mi ralhrang kawlralkap minung pali cu mipi ralkap hna nih an kahthah hna tiah theih a si. Hakha in Dotthek khuakam ah aa taap mi ralhrang kawlralkap hna cu Hakha um ralhrang kawlralkap hna nih va bawmh dingin an i thawh.
Hakha in aa thawhmi ralhrang kawlralkap hna cu Chinland Defense Force Hakha nih tuni zingka ah Hniarlawn khuathar pawngah an kah hna. I kahdohnak ah ralhrang kawlralkap minung pali an thi. Atu zong cuka pawngkam hrawnghrang ah an i kap cuahmah ko tiah theih a si. Source Salai William HC
Leave a Reply