UPAT AN TLAKTUK E, CHIN RALZAAM BAWMHNAK AN PEK HNA

Chin ralzaam hna cu ZORO nih bawmhnak an pek hna. Mizoram Sihphir khua i Synod Camping Centre ah a ummi Chin ralzaam hna cu Zo Reunification Organisation nih nizan Pathian ni July ni 17 ah India tangka in thongriat 8000 an pek hna tiah theih a si. Hi konghe pehtlaiin a tanglei bantuk in ZORO nih sawmnak zong an tuah chih.

Kawlram buainak zong a caan a vun kal deuh chin lengmang i Mizoram mipi hna le bu dangdang hna zong nih kan i thlahdah deuh in a lang. Kan Unau ralzaam hna hi bawmhnak tthathi in an hmu lo. Mizoram hmunkip kaakip a ummi hna cu ei le din an chanbau ngai hna tiah kan theih. ZORO nih cun a si khawhchung in bawmhnak pek peng kan timh hna i, Mizo mipi le a bu dangdang hna zong nih a harh ningin kutsamh cio dingin kan sawm hna tiah an langhter.

Thawngpang dang. Tuni Sunday i kahdohnak ah ralhrang kawlralkap minung 38 an thi tiah an langhter. Tuni Sunday July ni 17 rampi huap ralhrang kawlralkap le mipi ralkap i kahdohnak ah ralhrang kawlralkap lei minung 38 thah an si i, mipi ralkap lei in minung pakhat nih ram le miphun caah a nunnak a pek ve. Thil a cannak hmun cu a tanglei bantukin a si.

Demosu kahdohnak ah ralhrang kawlralkap pahnih an thi i, Nwahtu kahdohnak ah ralhrang kawlralkap minung pahnih an thi tthan. Cun Sagaing ramthen Maw Leih kahdohnak ah ralhrang kawlralkap minung pasarih an thi i, Mandalay khuapi kahdohnak ah ralhrang minung pahnih an thi tthan. Cun Phakanh le Seyin kahdohnak ah ralhrang 25 an thi. Magway ramthen ah mipi ralkap pakhat tlaih a si.