ONENESS PHU THUM HNA, Oneness phu khatnâk cu Judahmi an si. Rel cawk lo milem pathian chungin an himnâk ding ah Jehovah Pathian nih atu le atu Amah lawng lawng Pathian a sinâk le a dang hrim hrim an um lonâk kong a chimmi bia nih an thlarau mit a rak cawtter hna i kum saupi an rak hngahmi Messiah kha Pa Pathian nih a sinah a thlah tik ah an rak cohlâng duh lo i vailam an rak tah.
Biakam Hlun Baibal dihlak tinhmi a kawltung tak tak Jesuh Khrih cu Biakam hlun Baibal a rak ngeitu Judahmi nih an nganh. Oneness zumhnâk le khuaruahnâk nih nihin tiang an thlarau mit a cawtter hna. Oneness phu hnihnak cu Jehovah’s Witness an si.
Jehovah Pathian pakhat lawng lawng timi kha Judah mi bangin fek tuk in an i tlaih i Jehovah Pathian nih a thlahmi misual khamhtu Jesuh Khrih kong țialnâk Johan dal khat cang khat nâk kha a cafang an thlen leng ah a bia an chap. Johan dal khat câng khat nâk a donghnâk ah, ‘The Word was God’ timi kha anmah Baibal New World Translation timi ah the word was a god tiah an ti.
The Word timi cafang ngan ‘W’ kha cafang hme ‘w’ ah an thlen hlei ah ‘a’ timi kha an chap hnu ah ‘G’ cafang ngan kha ‘g’ cafang hme ah an thlen. Oneness zumhnâk nih an thlarau mit a cawtter tik ah Baibal cafang tiang an thlen i an chap. Oneness phu thumnâk cu UPC an si. Judah mi le Jehovah Witness bangin UPC zong milem pathian tampi chungin ralrin peknâk biafang ‘Pathian pakhat’ timi nih an thlarau mit a cawtter hna i
Pa Pathian nih a thlahmi Fapa Jesuh kha a thlahtu Pa Pathian a si ko tiah Baibal kha hranhram loin an MERH. Cucaah Baibal biatak a țanh i a dirpitu zûmtu hawidawt:-Oneness Judahmi nih Baibal dihlak tinhmi an nganh i Oneness Jehovah Witness hna nih Baibal dihlak tinhmi Jesuh kong țialnâk Baibal an chap i an thlen. Oneness UPC hna nih Baibal dihlak tinhmi Jesuh kong țialnâk Baibal bia an merh,timi hi zeitilei hmanh in thlennawn khawh lo in a hmunmi bia dik a si ti hi philh lo tein i cinken. Credit: Dr. Rual Uk.
Leave a Reply