UPDATE: HAKHA LE FALAM KAR RALHRANG KHUACI AN MUI CANG HIH

Hakha le Falam karlak ralhrang kawlralkap hna cu khuaci an mui ko cang. Hmainor kho loin ralhrang kawlralkap hna cu khuaci mui an um cang hna. Hmai nor kho lo dingin Chin ralkap ttangrual hna nih an tuah hna ti a si. Hi konghe pehtlaiin Salai William HC nih a tanglei bantuk in thawngpang a langhter.

Ralhrang kee kal pawl Dokthek le Ramthlo lam canceo an phanhah kan ralkap nih hmainor kho loin an rak kah hna, tuhi kee kal uico a zuangtaang mi vial cu, Ramthlo khua lei riah dingin an kir lio si.An motor hi Ramthlo in Dokthek khua kar lamtlang kipah i zam/phah lulh dih caah cuka ah, khaka ah an motor tikha chim awk ttha hlah kaw,kee kal hnuzul in an motor cu um kal dingah chia phawt ko usi law.Tuzan cu Ramthlo khuaah relrem lo ngai bu in riah cu an itim phawt ko tinak si.

Thawngpang dang. Hakha khua No.4 B.E.H.S sianginn thilri tampi a rawk. Chin ramkulh, Hakha khua No.4 B.E.H.S sianginn thilri tampi a rawk cang tiah SAC leiṭang thawngzamh nih a langhter. SAC leiṭang thawngzamh nih a ṭial ning ahcun CDF nih hrawh ruangah Bawinu sawng a tangdot thlalang 5 a kuai, sianguk umnak ṭhutdan le cabuai a rawk.

Caa copy tuahnak seh 1 a rawk , CCTV Camera 2 a rawk, Thida sawng a tangdot thlalang 34, Manihpur sawng thlalang 52, Dongva sawng thlalang 76, Fuji sawng thlalang 18 a kuai tiah a langhter. Sihmanhsehlaw hi thilri a rawkmi kong hi ṭha tein kan tuak a si ahcun, June 10 ah SAC ralkap pawl No.4 B.E.H.S an raa i sianginn tual chungah lente aa celhmi kum 12 hngakchia pate an tlaih.

Cu hnuah an rawlchuannak thilri le adang an thilri pawl sianginn chungah an chiah hnu in an kir ṭhan. Cun, a thaizing June 11 ah SAC leiṭang thawngzamh lila a simi Fifty Two News nih an Telegram cahmai ah atu bantuk in CDF ruangah sianginn thilrii tampi a rawk tiah an langhtermi a si. Credit: The Chinland Post.

Be the first to comment

Leave a Reply

Your email address will not be published.


*