Hakha Cawbuk Sang Mino 5 An Tlaihmi Hna An Thlah Tthan Cang Hna.April 30 zan suimilam 6:00 hrawng ah cawbuk mino 5 cu Hakha khuathar Inwa Bank hmai ah SAC ralkap nih an rak tlaih hna.Annih hi an hawile sinah len aa thawh mi an si,
SAC ralkap nih an dirter hna i an phone an chek piak dih hna. Anmah chungin lunghrinh mi hmanthlak an hmuh caah an tlaih beh hna hi a si, tiah tualchung mi pakhat nih The Chin Post ah a chim.Tlaih a tongmi mino 5 cu thong inn ah zankhat an um hnu ah May 1 zan ah an chuak ṭhan cang,” tiah a chimchap. Credit: The Chin Post.
Cabiadang .Thlantlang Khua hi, Sui Thantlang Ti A Si Ruang Ah Maw, Vutcam Ah A Can? Thlantlang Khua kongah Laimi profet le Jerusalem Khua kongah Jeremiah profet an i dannak biatawi. Sui Thantlang tiah an rak auhka te ah “Sui” timi nan telh ruangah Jerusalem bangin a kaang dih te lai hih tiah a nai bik 2000 kum hrawng telah a rak chimchung khomi hotal an rak um cang maw? Rak um cang hna sehlaw cu “Sui” timi telh ruangah pei a si hi tihi zumh lo awk a pelte hmanh a um hnga lo. JEREMIAH 25: 3. 28.
Jeremiah nih cun Jerusalem Khuapi a rawh lainak kongah tuante in a rak chim cia cang i a chim bantukte in Jerusalem Khuapi cu a rawh taktak khah. Ralhtang mițhalo nih uknak an hun laak i Thantlang Khuapi a rawk dih cikcek hnu ceo ah “Sui” timi min telh a si ruangah vutcam i a cannak a si ti hna chim len cu, Ka Pu thi kaw sawnh lo ka sawnh timi phung tlinnak men a si.
Profet bantuk khan pei Thlanthlang Khuapi chungah zeihmanh a rak can hlan in tuante khan pei “Sui” tihi telh hlah u, Bawipa a hna a tla lo cucaah a rawk dih lai hi tiah rak chimlen ne ding a si cu?. A tu hnu i Mi lungthin a fahtuk lioah hi bantuk bia hna chim hi cu a ṭhalo ngaimi a si. Sui timi min telh lomi Khua dang tampi zong an kaang dih ko khi ta! tizong ruat chih lo awk a ṭha lo fawh hih. Credit: F Bawi Khamh
Leave a Reply