Update. Nizan Kalaymyo Tahan inn pakhat ah hriamnam ngan a tlak ruangah inn ngeitu pakhat hliam a tuar. May ni 25 zan suimilam pariat le cheu hrawngah Kalaymyo Tahan inn pakhat ah hriamnam a tla i inn ngeitu hliam a tuar. Hi konghe pehtlaiin khuami pakhat nih a tanglei bantuk in a langhter.
Hriamnam ngan a tlak ah hin Zan suimilam pariat le cheu a si cang. A thawngpang zong kan theih. hriamnam ngan hi vanthat ah an coka lei ah a tla. Asinain inn ngeitu hi hliam a tuar nain faktuk cu a si lo tiah a chim. Nizan ah khan Kalaymyo ah hin meithal puah thawng le hriamnam puah thawng theih a si.
Hriamnam ngan a puah ruangah pawngkam inn zong a hninh dih pin ah tthenkaht zong a rawk pah ti a si. Khuapi chungah a ummi hna cu kan him lo ngaingai. Zeitik ah dah inn cung hriamnam ngan a rak tlak lai ti lawng kan ruat. Atu le bang cu ralhrang hna nih an duhnak hmun paoh ah hriamnam ngan an kah tiah a chim.
Thawngpang dang. Lunglawmhnak le Nawlnak. Vawlei Huap Chin Miphun Hawi bawmhnak in Hakha ah bunhmi Oxygen Plant nih minung hawi nunnak chanhnak rian (life saving) ah a tanglei langhtermi thathnemnak a kan pek caah O2 plant cawknak khuakhangtu, cawknak ah tangka thazang in bawmtu, inn le meiseh bawmtu, O2 supply volunteer le driver, retheih aa khinhtu nan dihlak cungah kan lung aa lawm tuk. Upatnak zong kan in pek hna.
Pakhatnak. August 2, 2022 – April 5, 2022 tiang O2 Cylinder 40 L lung 17010 rawn a si.(Covid lingcing rawn man in tuak ahcun Sing 6000 man leng a si). Pahnihnak. Volunteer pawl nih 40 L lung voi 68040 an cawi.(Lungkhat ah MMK 500 in tuanman kan tuak ahcun Sing 340 leng a si).
Pathumnak. Covid-19 Mizaw zual 1500 leng nih damnak an hmuh nak.(CCC 1+2 ah 950, Hakha khuachung inn ah mizaw 500 hrawng, le adangdang ah mizaw 100 hrawng).Oxygen Plant chiahnak inn sak chung, caan karlak, Carson Hall ah kan fim chung caah Oxygen rawnnak rian kan i din ta lai. Kan ruatthiam hram uh. Credit: Hakha Township Public Healthcare & IDPs Management Committee
Leave a Reply