UPDATE: KAN RALKAP LE RALHRANG I KAHNAK AH KAN RALKAP AN HIM

Aug 12,2022 Update: Suimilam 10:18 am ah Kalay in Halkha ah helicopter a phan. Kuan pawl a rak phorh. Zing lei ah 266 tatzin le Nipi khua kar um mi ralhrang pawl kah ding an kal lio ah ralhraang nih ambush an rak tuah hna i an i kah pah in himnak hmun an panhnak ah kan ralkap meithal zunkhat ralhrang kut aphan kan mah lei an him.

Chunhnu mer sml 2:30pm hnu Halkha lei in 122 mm, 120mm in Timit lei an kah 4:45pm tiang an kag, ralhraang pawl nih 60mm, 40mm,RPG, Machine Gun le an melthal pawl cun kan ralkap an kah an nam ko hna na in kan mah lei pawl cu an nam kho hna lo. Kan ralkap nih Sniper in ralhrang pakhat an kah. Timit lei an kah
mi a tam ko nain kan ralkap an him dih. Bawipa Pathian thawng in asi. Credit: Salai Williams Hlawnceu

Relchap. Ralhrang Pyu Saw Htee nih chungkhar pa bik an thah tthan hoi. India le Kawlram ramri Moe Lay le Nan Phalung karlak ah Ko Min Lwin tiah kawh auhmi ကိုပိန်ပိန်း cu ralhrang uico Pyu Saw Htee hna nih a motorcycle an chuh pin ah an vuak ruangah nizan August ni 12 ah a nunnak a liam tiah thawngpang theih a si.A nunnak a liammi Ko Min Lwin nih ralhrang uico Pyu Saw Htee hna cu ka nupi nih ka fale sianginn kainak le donnak ah a hmanmi a si caah ka lakpiak hram hlah uh tiah a nawl hna.

Asinain ralhrang uico Pyu Saw Htee hna nih Ko Min Lwin cu an vuak lehlam. Ko Min Lwin cu a hliamhma he inn ah ke in an lawiter.Ralhrang uico Pyu Saw Htee hna nih An tukvelhnak ah nihnih chung a zawt hnu ah nizan August ni 12 zanlei suimilam pakhat hrawngah a nunnak a liam tiah theih a si. Amah hi a ngandamnak zong a ttha lomi a si i, a dawtmi a chungkhar a nupi le a fale pathum a kaltaak hna.

Ralhrang Uico Pyu Saw Htee hna nih hin Tamu peng ah India mi pahnih zong meithal in an rak kahthah cang. Culawng siloin ralhrang uico Pyu Saw Htee hna nih sualnak ngeilo khuami hna zong minung pahra renglo an thah cang hna tiah an langhter chih.