Hakha le Falam karlak ralhrang kawlralkap uico rual hna dirhmun thawngpangthar update a vun langhter. Falam peng Ramthlo khua in ralhrang kawlralkap aa thawhmi hna cu Dotthek le Hakha peng Chunchung khua an i ram ritnak hmun ah an um tiah theih a si.
Hi hmun le hma ah ralhrang kawlralkap uico rual hna cu an hawi a thimi ruak an khangh cuahmah hna tiah an langhter. Ralhrang kawlralkap a thimi pawl ruak an i khanghnak hmun hi a cunglei langhter bantuk in Dotthek le Chungcung ramri pawng Chuncung ramchung ah a si i, tuzan zong ralhrang hna cu riah an i timh tiah theih asi. Chirchan. Salai WHC
Thawngpang dang. Yangon in UK Ambassador An Kirter Than Cang. Ralkap nih hramhram in nawlngaihnak an lak hnu in, pehtlaihnak a rawk cuahmah mi lak ah pakhat hi ramkip he an i pehtlaihnak a si i, Ambassador cheukhat an kir than cang. Nihin ah UK Ambassador nih Ramkomh Kawlram ah riantuan ni a donghnak a si cang, ka kir than cang lai tiah a pumpak Twitter in a thanh.
Ralkap nih hramhram in an ka dawi, an ka kir ter caah ka ngaihchia, ka lungtha lo, asinain, phung in cohlan ding ah tuah a herhmi le ningcang lo in an cawlcanghnak vialte cohlannak (legitimise) siter lo caah ka lawm tiah, Pete Vowles nih a chim. Keimah ka kir hnu zong ah, Uk in Myanmar ah a tangmi a cawlcang cuahmah mi nih, an si khawh chung in an izuam cuahmah lai i,
Kawlram mi caah remdaihnak, zalonnak le dingthlulairelnak (justice) a um khawhnak ah fakpi in an tuan ko lai tiah UK Ambassador nih a pumpak Twitter ah a tial. Nihin tiang ah, Yangon ah a ummi Embassy tampi in, Ambassador sinak a ngeihmi riantuantu a kirmi an um len, cuchung ah Germany, Brunei tbk. an i tel i, caan saupi Ambassador a ngei lomi hi ASEAN ram chung in Thailand, Viet Nam tbk. hi naite lawng ah palai an rak thlah than hna tiah theih a si. Credit: The Chinland Post.
Leave a Reply