Update. Thailand le Kawlram ramri ah ralhrang kawlralkap nih cunglei raltuknak vanlong pahnih in bomb an thlak i AA Ralkap minung paruk an Nunnak A Liam. Myanmar le Thailand ramri i Arakan Army (AA) camp pakhat ah SAC ralkap nih vanlei in kahdohnak an tuah caah Arakan Army(AA) chungtel minung paruk nunnak a liam.
Ralhrang kawlralkap nih vanlong in bomb an thlak mi ruangah sii-inn, seh-zung le inn cheukhat zong an rawk, tiah AA nih an thanh. July 4, chun suimilam 12:25 ah Myanmar-Thailand ramri pawng Kayin Karen National Liberation Army (KNLA) brigade 5 hmunram chung i Arakan Army(AA) camp pakhat cu SAC ralkap nih raltuknak vanlawng 2 in bomb thlak.
Hi bantukin ralhrang nih a thlithup in cunglei in an kah ruangah AA ralkap paruk nunnak liam lengah hliam a tuarmi tthenkhat zong an um tiah AA nih an langhter. Vanlawng 2 cu kahdohnak a dih hnu ah Thailand lei ah an zuang, tiah an thawngthanh ah an langhter chih.
Tutan ah a nunnak a liammi AA ralkap hna cu Kyaw Oo Hlaing kum 31 le Kyaw San Htay kum 26. Cun Twin Twin Lin kum 24 le Bo Than Kyaw kum 20. Cun Kum 29 a si Nay Zaw Oo le Kum 20 a simi Za Ni Win hna an si. Tutan thil hi tanglei in kahdohnak a chuak mi a si lo. Athlithup in cunglei in an rak kahmi hna asi.
Thawngpang dang. Launglone (PDF) sakhaan luhhnawh a si i hriam le eidin sungh a si. Dalan nih thawngpang pek ruangah sakhaan luhhnawh kan tong i hriam le eidin lakpiak kan si lengah hriamtlai 1 zong SAC ralkap nih an kan tlaihpiak tiah Launglone PDF nih June 4 ah a thanh.June 30 ah Dalan nih thawng pek ruangah SAC ralkap nih thazang tampi in kahdohnak an tuah i thazang i ruan lo le hriam i ruan lo ruangah sakhaan cu kaltak a si tiah a langhter.
Cucaah kuttuah meithal, kuan, aa hlatmi kahnak, thilsernak seh pawl, drone pakhat,laptop pakhat, kuttuah bom telh in eidin pawl kan sungh dih lengah hriamtlai pakhat zong tlaih a tong tiah an ṭial.Atu bantuk in Dalan pawl thiltuah cu mipi nih hmuh a si cang ko caah Launglon PDF nih Dalan pawl cu ṭha tein tawlrel an si cang lai tiah a thanh fawn.
Leave a Reply