Tuzan Kalaymyo ah ralhrang kawlralkap hriamnam puahkehnak in khuami minung pathum hliam an tuar. Tuni May ni 28 zan suimilam pasarih thok in Kalaymyo khuachung ah hriamnam ngan le hriamnam hme puah kehnak thawngpang theih a si. Tuzan puahkehnak thawng hi a zual hma ngaingai.
Ralhrang kawlralk hriamnam ngan bomb pakhat cu Tahan, Agape sizung hnulei mipi inn pakhat ah a tla i a puak. Hi bomb thlak puahnak ruangah inn ngeitu pakhat cu hliam a tuar i, rianrang in sizung ah an kal pi tiah theih a si. Culawng siloin Tahan B Group ah inn pakhat zong bomb nih a tlak hnawh i nu hngakchia pakhat zong a ruh ah hliam a tuar tiah Zalen tialmi chungin theih a si.
Thawngzamhnak dang nih a tialmi.Kalaymyo Tahan A Group le Group B ah ralhrang kawlralkap le mipi ralkap an i kap cuahmah. Kahdohnak hi suimilam pahnih chung deng an i kap tiah theih a si. Tuzan Suimilam pasarih hrawng in Kalaymyo Tahan A Group le B Group chungah meithal puah thawng le bomb puah thawng biatak tein theih asi.
Suimilam pasasrih le cheu renglo ah hriamnam ngan bomb puah thawng nih a vun zulh i, Suimilam pasarih le minute sawmli pariat ah bomb le meithal puah thawng a thang cang. Tahan ummi sang pakhat hna cu a himnak hmun ah an um hna tiah tunai te ah khan thawngpang theih a si.
Meithal le Bomb puahthawng pehzulh in a vun um tikah mipi hna cu thinphang ngaingai in an um hna. Cun pariat le minute 48 hranwg ahcun bomb puah thawngin cu a hung dai cang. Asinain inn pakhat ah bomb a tla i a thimi an um le um lo fiang tein theih a si rih lo. Tahan Group B sianginn pawngah a ummi NL Rudy Malsawmthar cu bomb nih a hliamh.
A hliam hma zong a fak ngaingai tiah theih a si. Tuzan Kalaymyo Tahan ah bomb le meithal puah thawng hi suimilam pahnih tluk deng a si tiah an chim.Atu lawlsaw se ah cun meithal puah thawng le bomb puah thawng theih ding a um rih lo a dai ngaingai cang tiah an langhter.
Leave a Reply