Ngaihchiatnak Thawng. Thantlang peng Vomkua khua mi, US khuasa Pu Hrang Ci( Nun Cung) Pa nih hi vawlei nunnak in mual aa kan liamtak ee. Hibantukin mual aa kan liamtak nak hi Cancer zawtnak in a si tiah theih a si. Zapi nih kan theihfian khawhnak dingah cun Sya Tial Bik le Pu Bawi Ling Saya Lian Mang te unau a si.
A fale minung panga an si i, USA Tx Lewisville ah khua a sa mi an si i, CRC Khrihfabu ah a ummi an si. Tantakmi chungkhar siseh hawi le kom peng le tlang Khrihfabu vialte nan ngaihchiatnak le nan mit thli vialte a nung kan Biak mi kan Pathian nih in hnem hna in inhnawhpiak ko hna seh. Nan ngaihchiatnak kan in hrawmpi hna.
Thawngpang dang. Sagaing ramṭhen, Buhtalin peng ah SAC ralkap nih nitin ngawt in rallam an sialnak ni 10 tluk a si cang i, PDF nih an rak kah ve lengmang hna caah PDF in minung 5 an nunnak a liam cang. May thlachung Buhtalin peng ah SAC ralkap cu hmunhnih in rallam an sial i, khua pathum ah mizapi inn hna cu meikhangh in an hrawhpiak hna.
Tualchung hriamtlai phu hna he atu le tu ti tluk in an i kap. Buhtalin peng tualchung hriamtlai phu in ralkap 5 an nunnak a liam i, SAC ralkap lei 10 hrawng an thi ve, tiah khua mi nih an chim. May thla thok in nihin May 11 tiang SAC ralkap pawl cu thazaang 100 lengmang he Buhtalin pengchung ah rallam an sial tawn.
Gantit khuachung mei an khangh ruang ah kum 78 tluk tar pakhat cu meikanghnak in a nunnak a liam. Cun, Oakphu khuapawng Yawgi sianginn ah a zaam mi minung 9 cu a ruang um lo in SAC ralkap nih an rak thah hna, tiah theih a si. Credit: The Chin Post.
Leave a Reply