Zumtu hna thlacamnak hi Pathian nih a ngai sawsawh bal lo. Zumtu hna kan thlacamnak hi Pathian nih khuaruahhar in rian a ttuan lengmang ko. Tutan zong ralhrang bawipa cung ah khuaruahhar in Jesuh nih a tthawnnak aa langhmi hmuh khawh a si.Sagaing ramtthen, Minkin peng ah i Zawngle khua ah Gospel Baptist Church biakinn hna cu Ralhrang bokyi nawlpeknak in hrawh an timh.
Biakinn chung ah an lut. Tthutdan le thilri dang an vun hrawh thluahmah. Thilri dandang zong an hrawh len hna.Pulpit cung vailam an thlaihmi cu Bokyi Kyaw Tet Naing timi pa nih hrawh a timh. A hrawh cuahmah lio ahcun Jesuh khrih fiang taktak in a sin ah a vun i langh. Ngui ngui thlaak in a taap i, a thil tuah cu a ngolh. A kuttang ralhrang pawl zong nihcun an thil tuah cu an ngol.
Cuticun Minkin PDF sinah CDM a tuah i a himnak hmun ah an chiah cang. Bokyi Kyaw Tet Naing nih a chimmi cu; vailam ka hrawh lio ah Jesuh timi nih ttek kah bantukin a vun ka kah. Na hrem lengmangmi Jesuh kha ka si. Thir an ka khenhnak ka ke hi zoh. Thir an ka khenhnak ka kut hi zoh a ka ti.Ka von zoh i, thir an rak khenhnak cu kua vuaimai pi cun ka hmuh tak ko.
Cucun ka tha nih a ka thirh dih cang. Ka tlu i ngui ngui thlak cun ka ttap. Jesuh Bawipa hung ka ngai thiam ka ti. Kan ngai thiam tuk ko. Ka lei ah ttang cang a ka ti. Cucaah Minkin PDF hna sin ah zokzok in CDM ka tuahnak a si tiah a chim tiin Zawngle khuami nih a chim.
Thawngpang dang. Ralhrang nih inn 200 renglo an khangh tthan e, Kani pengah ralhrang nih khua pathum an khangh. Yezakyo zongah khua 17 chungah inn 163 an khangh tthan. Chindwin tiva chakhlei NatGyi khua cu ralhrang hna nih Nizan may 19 ah khan an khangh tiah khuami hna sin theih a si.Nizan ah ralhrang hna nih Nat Gyi khua an khangh i zanlei suimilam pakhat hrawngah Wetchaung khua le Ywatha khua an khangh rih.
Culawng siloin nizan thiamthiam ralhrang uico rual hna nih khua tam ngai an khangh rih. Nat Gyi khua hi tutan in a voihnihnak an khangh si.May ni 7 in may ni 8 tiang ni 12 chungah Yezakyo peng ah ralhrang hna nih khua 17 chungin inn 163 an khangh tiah mipi ralkap hna nih an langhter. An khanghmi inn hna cu Shwehlain khua ah inn thum, Takaung khua ah inn khat, Pyubu ah inn hnih, Miphuza ah inn 11, Mekung ah inn 23.
Setih khua ah inn riat, Mesun khua ah inn 11, Netazaw khua ah inn sarih le Muce khua ah inn 17, Taungkung khua ah inn 9 le Kaing khua ah inn sarih. Cun Hlaykhok khua ah inn 18. Culawng siloin Min khua ah inn 20 le Kyauhphu khua ah inn khat le Cuaikung khua ah inn 23 an khangh hna tiah mipi ralkap lei nih an thanh.
Leave a Reply