VAN AH AN PATHUM IN KAN HMU HNA LAI MAW? A FIANG NGAINGAI

Pathum in Van ah kan hmu hna lai maw? Pa, Fapa, Thiang Thlarau hi an pathum in Pathian an si, an sinak aa khat, Thlarau an si.Bible nih Pathian cu Thlarau a si.Thlarau cu hmuh khawh a si lo. Zeiruangah hmuhkhawh dingin taksa,
takpum a ngei lo.Cucah Bible nih Pathian cu hmuhkhawh a si lo, aho hmanh nih an hmu bal lo a ti.

Asinain Pa Pathian, Fapa Pathian, Thiang Thlarau Pathian lak i Fapa Pathian Jesuh Khrih tu cu minung taksa sinak aa lak i hi vawlei ah a ra, a thi i a thawhthan hnu ah zongah a zultu nih an hmuh khawh peng rih taksa pum in a thothan caah a si. Pa, Fapa, Thiang Thlarau, Pathian pakhat a simi lak i Pa Pathian le Thiang Thlarau Pathian cu hmuh khawh an si lai lo, a ruang cu hmuhkhah dingin minung taksa sinak aa lami an si lo.

Bible nih Pathian orhlei kamah Jesuh a dir or a thu a timi hi Pa Pathian hmuhkhawh a sinak a chim duhmi a si lo.Pathian sunparnak, thiltikhawhnak, thawnnak huham a chimhmi a si. Cucah Vanram Pathian sin kan phan tikah Pa Pathian sunparnak le Thiang Thlarau thawnnak nih a umpi mi Pathian Fapa Jesuh khrih lawng kan hmu lai, Amah lawng zungzal in zungzal Kan Pathian, Kan Bawi a kan Uktu kan Siangpahrang a si lai. Amen. Credit: Sangte Sangte.

Thawngpang dang. Ralhrang Pyu Saw Htee nih chungkhar pa bik an thah tthan hoi. India le Kawlram ramri Moe Lay le Nan Phalung karlak ah Ko Min Lwin tiah kawh auhmi ကိုပိန်ပိန်း cu ralhrang uico Pyu Saw Htee hna nih a motorcycle an chuh pin ah an vuak ruangah nizan August ni 12 ah a nunnak a liam tiah thawngpang theih a si.A nunnak a liammi Ko Min Lwin nih ralhrang uico Pyu Saw Htee hna cu ka nupi nih ka fale sianginn kainak le donnak ah a hmanmi a si caah ka lakpiak hram hlah uh tiah a nawl hna.

Asinain ralhrang uico Pyu Saw Htee hna nih Ko Min Lwin cu an vuak lehlam. Ko Min Lwin cu a hliamhma he inn ah ke in an lawiter.Ralhrang uico Pyu Saw Htee hna nih An tukvelhnak ah nihnih chung a zawt hnu ah nizan August ni 12 zanlei suimilam pakhat hrawngah a nunnak a liam tiah theih a si. Amah hi a ngandamnak zong a ttha lomi a si i, a dawtmi a chungkhar a nupi le a fale pathum a kaltaak hna.

Ralhrang Uico Pyu Saw Htee hna nih hin Tamu peng ah India mi pahnih zong meithal in an rak kahthah cang. Culawng siloin ralhrang uico Pyu Saw Htee hna nih sualnak ngeilo khuami hna zong minung pahra renglo an thah cang hna tiah an langhter chih.