VANCUNGMI HI PHUN (9) AN UM. SATAN (LUCIFER) HI ZEIPHUN DAH ASI?1 SERAPHIM. Seraphim vancungmi hi pa (4) an um. Pathian Bawițuhtdan pawngah aummi an si. Hmai pali le thla pasarih an ngei. Pa le Fapa le Thiang Thlarau pawng aum mi an si. Athiang Athiang Athiang tiah Pathian a biaktu an si.
Pahnihnak. CHERUBIM. Pathian thilser vialte record tuahtu le kilvengtu an si. Pathian he naihniam tein aum mi an si. Cherubim hi Pali an rak um nain atu ahcun pathum lawng ansi. Satan (Lucifer) hi Cherubim vanmi a rak si. A dang Pathum cu Ophaniel, Rikbiel le Zophiel an si.
Pathumnak. ARCHANGEL, Archangel vanmi hi Pathum an um. Michael, Gabriel le Raphael an si. Raphael cu damnak phurtu le khuatlawngmi zolhenhtu asi. Gabriel cu Pathian Bia thanhtu (Messenger) asi i, Michael cu ralkap bawi asi. Pathian nih a cawisang bikmi hna cu Gabriel le Michael hi sidawh an si.
Palinak. THRONES. Pathian rangleng le baiceihnak țhutdan kilvengtu an si. Lengke cungah mit tampi ngeimi bantuk in an i langh țheu. (5) VIRTUES. Cherubim le Seraphim nawlpeknak tangah a zulmi an si. Zadkiel (Hastmal) cu Dominions i. hruaitu asi.(6) DOMINIONS. Pathian Uknak chungah rian a țuanmi an si.Cherubim le Seraphim nih nawl an pek mi kha a theitu ansi ve i, a niam deuhmi vancungmi hna kha an hei fial chin hna. Vancung Cozah tuantu ansi ti khawh asi.
Pasarihnak, PRINCIPALITIES, Vawlei cung he pehtlai in riantuantu an si. Vawlei cung miphun, cozah, politic le biaknak ah tawlreltu an si. POWERS Vawlei (Natural World) kilvengtu an si. Cun khuaruahhar tuah khotu an si.(9) ANGEL Vancungmi ah a niam cemmi mi an si. Fialmi rian ruantu le raldotu an si.
NOTE. SATAN (LUCIFER) cu vancung in thlak asi tikah vancungmi relcawklo zong Satan he thlak chih an rak si ve. PRINCIPALITIES le POWER tampi nih Lucifer cu an rak zulh ve. Eph 6:12 “Zeicahtiah kan dohmi hna cu minung kha si loin, vancung khua i a ummi thlarau sual țhawnnak (Powers) hna le uktu hna le nawl ngeitu hna le hi a muimi chan lianhngannak (Principalities) hna hi an si”. Credit: Isareal R. Thang.
Leave a Reply