VANLALSAILO NIH US A PHAKNAK A RUANG BIK A CHIM

Vanlalsailo nih US a kalnak a ruang zapi sin ah thanhnak a tuah. Vanlalsailo nih atimi cu, Tutan America ka kalnak a ruang le ka caan hmanning timi tlangtlar in a vun langhter. Pathian thawngin USA tluangtein thawngttha ka chim. Aa ka sawmtu hna cu CBCUSA hna an si. Ka kalnak a ruang taktak cu,

Kawlram tukdohnak ruangah mipi harsatnak a cang cuahmah mi he pehtlaiin FUND Raise tuahpi dingah sawm ka si. A tu ka vun langhtermi ka caan hmannak ka chiahmi hna hi an si. July Ni 16 hnu le in cun anmah he kan ttuantinak cu a dih cang lai. A harh ning in an ka auh khawh peng ko.

Khrihfabu dang hna an ka sawm duh a si tu ahcun caan a um ko lai. Zofa unau vialte thlacam ka bawm hram uh, Covid in a damka mi ka si caah ka tthawng lo ngai i thlacamnak in rak ka bawm hram uh mu. Atanglei bantuk in ka caan hmancia mi le ka hman lai ding mi hna cu an si.

Pakhatnak. April 14 to 17 (Milwaukee), Pahnihnak. April 22 to 24(Atlanta) Pathumnak. April 29 to may 1 (seatle) Palinak. May 6 mother’s day Panganak. May 13 to 16(Charlotte) Paruknak. May 20 to 23 (Florida) Pasarihnak. May 27 to 30 (North America mizo Kohhran Inkhawmpui -Indianapolis) Pakuanak. June 30 to july (Texas dallas) Pahranak. July 7 to 10 (Iowa ) 11.July 14to 16 (missouri), Pathian cu ka tthawnnak a si. DEMOCRACY FOR MYANMAR.

Thawngpag dang. Kalay peng, Yaeshin raaltuknak ah ralhraang Captain Htet Aung Khaing le palek pakhat tel in 20 hrawng an thi, ruak char manh lo in an zaam. Sagaing ramthen, Kalay peng, Yaeshin khua April 22 raaltuknak ah ralbawi 3 tel in ralhraang le Pyo Saw Htee 20 hrawng an thi tiah Kalay PDF nih an thanh.

Cu kahdohnak ah Captain Htet Aung Khaing tel in ralhraang lei a thi mi an tam, 11 nih hliam an tuar. Ralbawi ruak tel in ralhraang a thi mi ruak an la kho rih hna lo tiah ralhraang thawnghram in kan theih. Kahdohnak a chuah lio ah Gangaw peng Hanthawaddy khua hrambunh ralhraang Captain Zin Aung Htun hruai mi phu nih 120 MM hriam ngan in an kah bawmh hna nain palek le Pyituhsit lei 4 an thi i 11 nih hliam an tuar.

An ruak hmanh char manh lo in an zaam tiah kan theih.Kahdohnak ah a thi mi ralhraang 20 chung ah Infantry Battalion-87 in Captain Htet Aung Khaing, a kuttang Yan Naing Kyaw, Palek Sen hnih Soe Min Thu an i tel tiah kan theih.Hma pu zong an tam tiah kan theih. Hliamtuar mi hna cu Gangaw peng Hanthawaddy Khuate Sii-inn ah an thlop hna i a thi mi ruak lak ding in an i zuam lio a si tiah ralhraang thawnghram in an chim mi kan theih. Credit: The Hakha Post.