Senegal ram nitlaklei Tivaouane khuapi umi ”Mame Abdoul Aziz Sy Dabakh” siizung cu May 25 zaanttim ah a kang i nausem 11 an nunnak a liam tiah theih asi.Senegal President Macky Sall nih a nunnak a liammi nausem tete i an nule le an chungkhar hna cu ram pumpi in nan ngeih chiatnak kan in hrawmpi hna tiah a twitter ah a ttial.
Siizung chung i nausem pawl an chiahnak building a kangh caah nausem 11 an nunnak a hi a si i, Inn a kanghnak a ruang cu Electric hri ruang ai thok tiah Mame Abdoul Aziz Sy Damakh siizung ttuanvo ngeitu hna nih an chim.Mei kangh hram ai thok bak in rang tuk in mei a cak tuk colh caah nausem 3 lawng an chanh manh hna tiah Tivaouane khuapi uk (Mayor of Tivaouane)
Demba Diop nih a chim. Tualchung media hna nihcun hi siizung hi an onnak a sau rih lo tiah an langhter ve.Kan hnu April thla chung zong ah Senegal ram chaklei Lingurie khua ah siizung a rak kang i nausem/ Bawhte 4 an nunnak a rak liam cang, Cu lio zong ahcun nau ngeihnak building chung ah chiah mi thli kik petu seh hri in meikangh a rak i thok. Credit: The Chin Post.
Cabia dang. Na thei bal maw? Zeiruang ah dah Saul In Paul Tiah A Min Aa Thelng. Saul cu Hebrew min asi i, a sullam cu Thla A Cam tinak asi. Paul (Paulus) cu Rome min asi i, a sullam cu Aa Toidor tinak asi. Paul Cu Zeitik Ah Dah A Min Thlen Aa Thleng? PAUL CU ZEITIK AH DAH A MIN THLENG ASI. A HO NIH DAH A THLENG?
A piangthar hlan ah siseh a piangthar hnu ah siseh SAUL ti ah an auh ko. Paul an rak ti bal lo. Jesuh nih SAUL tiah a auh. (Act 9:4) Annanias nih SAUL tiah a auh. (Act 9:17) Thiang Thlarau nih SAUL tiah a auh (Act 13:2)
Paul cu a hrințhan hnu ah SAUL tiin voi 11 Bible ah aa țialmi kan hmuh khawh. PAUL tiah Bible ah a lang hmasa cemnak cu Act 13:13 ah asi. (Act 13:9 ah Saul asimi Paul tiah a min pahnih tein Luke nih a tial).
Paul hi Jesuh nih a min a thlengmi asi lo, Luke tu nih a thleng mi asi tiah Bible Scholar tampi nih an zumh. (Luke zong hi Gentile mi asi ve). SAUL in PAUL tiah a min as thleng hi Gentile miphun sinah Missionary kal aa timh bak ah asi. Mah lio chan ahcun Zapi nih an theihmi holh cu Greek holh a rak si. Hebrew min SAUL cu Greek holh in, a aw chuah ahcun SAOUL tiah an chuah. SAOUL sullam cu “ZURI PA, ZU TAMA” tinak a rak si.
Cucaahcun Gentile mi sinah Missionary țuan ding asi tik ah SAUL/SAOUL ti i auh ding cu Greek holh in cun aa dawh cah lo taktak khi a si. Greek aw chuah in ZU TAMA ti ding cu aa dawhcah hrimhrim lo cu mu. Cucaahcun a Kawipa Luke nih Rome min in PAUL tiah a sak piak mi asi.
Amah Paul zong hi Rome miphun sinak a ngeimi asi caah Rome min PAUL i sak hi a om tawk bik ve ko.(A cheu nih cun PAUL tiah amah tein a min aa thleng anti ve. Asinain Luke nih a thleng piak ti hi tam deuh zumh ning asi. Rome min Paulus, Mirang Min Paul, A Sullam Mitang ah aa. Credit: Israel R Thang.
Leave a Reply