TCP: Tamu in Kalay lei a rak kirmi SAC mawṭaw bom puah hnawh a tong, 30 hrawng an thi. Tamu peng ah SAC ralkap mawṭaw bom puah hnawh a tong i SAC ralkap 30 hrawng an thi tiah PDF-Tamu battalion 3 rianngeitu nih People’s Spring ah a chim.
Tamu in Kalay lei ah a kirmi SAC ralkap 100 hrawng aa telmi mawṭaw cu June 27 zinglei ah bom puah hnawh a si.SAC mawṭaw thluan cu Yanlin le Witot khua karlak ah bom puah hnawh a ton hi a si i SAC ralkap mawṭaw a tlawmbik 3 a rawk tiah khuami hna nih People’s Spring ah an chim.
Bom puah hnawh a tongmi SAC ralkap mawṭaw thluan cu Yanlinphai pawng Witot khua telh in a pawngkam khua hna ah hriamngan/hme in kah thlorh a kah tiah Tamu battalion 3 sin in theih a si. SAC ralkap pawl an buai caah Yanlinphai khuami hna zong an zaam tiah theih a si.
June 23 zong ah SAC ralkap mawṭaw pawl cu Yanlinphai le Khunmonnun khua pawngah Tamu PDF battalion 3 nih bom an rak puah hnawh hna. Mah mawṭaw pawl nih mipi mawṭaw pawl hramhram in an tlaih hna i mawṭaw 20 hrawng he an kal lio ah bom puah hnawh a si i mawṭaw 2 a rawk tiah Tamu PDF battalion 2 nih a thanh.
Cucaah SAC ralkap mawṭaw hi a kal lei he a kir lei he bom puah hnawh a tong.Tamu PDF hruaimi mipi hriamtlai phufonh nih Tamu peng, Pantha khua ah hmunhma a khuarmi SAC ralkap le pyusawhtee pawl cu June 22 ah an kah hna i SAC ralkap le pyusawhtee 25 an thi tiah Tamu PDF battalion 3 nih a thanh. Video zoh a duhmi nih hIKA HI VOIKHAT HMEHPIAK
Leave a Reply