KNU tatmaha 1 umnak kulh chungah a ummi ralhrang kawlralkap hmaisuang camp cu drone in an thuat hna. Mipi hmuh khawh dingin mipi ralkap hna nih an vun thlah cang. KNU 1st Brigade umnak huamchung ah a ummi ralhrang hmaisuang camp cu drone in an thuat hna.
Video ah fiangtein hmuh khawh a si. Ralhrang kawlralkap pawl drone in an kah hna i, an tlikzaam lio ah an thlak chih rih hna. Ralhrang umnak sakhan pawl a rawk mi zong tam ngai hmuh khawh asi i, an kahthlak hna video zoh a duh mi nih hika hi voikhat in hmeh piak law video in na zoh khawh lai
Thawngpang dang. Ralhrang nih an tuahto hna ning cu lungfak ngaingai si ko. Insein Thonginn ah nu pawl hna cu Ti din ding hmanh an pe duh hna lo. Yangon Insein Thonginn ah ramkhel ruang i, Nu pawl thongthlak mi hna cu an umnak or chiahnak inn tthenkhat ah nawlngeitu hna nih Ti din dingin an pe duh hna lo. Thianhlimhnak ah an hmanmi Ti lawng an pek hna tiah thongtla a va zohtu pakhat nih RFA thawngzamhnak ah a chim.
Nau pawi lio Nu pakhat zong thonginn nawlngeitu hna nih a nau ngaihcaan ah sizung an kalpi duh ruangah nau a rawk tiah an langhter. Hi konghe pehtlaiin a liamcia May ni 21 zongah duhlonak an rak langhter bal cang.Duhlonak an rak langhter hnu ah a tubantuk in ralhrang kawlralkap hna nih thongtla pawl hna cu din ding Ti an pe duh hna lo tiah min langhter a duh lomi thongah a va zohtu pakhat nih a chim.
Atu le bang cu Ek inn hmanmi Ti an ding. Duh lonak an rak langhter hnu in an pe ti hna lo tiah a chim.Thonginn khan pakhat ah ramkhel ruang i, thongthlak mi hna cu minung sawmruk in sawmsarih karlak an chiah hna. An dihlak in Ekinn hmanmi Ti an dinter hna tiah a chim chih. Dinti an pek duh hna lo ruangah thongtla Nu minung 70 hrawng cu inn thianhnak Ti an ding.
Mah ruangah Nu pakhat zong a chungtlik i, zawtnak dang nih a tlak chih tiah a chimchap. Dinti an pek duh hna lo konghe pehtlaiin thonginn lutlai lei chimnak nawlngeitu lei tuanvongeitu Khin Shwe cu RFA nih biahal dingin phone an chawnh hna ko nain phone zong chawnh khawh asi lo tiah an langhter.
Leave a Reply