Ralhrang nih khuami minung pahra an khangh thah hna, Inn zong inn 125 an khangh tiah an langhter. Sagaing ramthen Ye Oo pengah ralhrang kawlralkap hna nih July ni 8 in July ni 14, Ni ruk chungah khuami minung pahra an thah khangh hna i inn zong 125 an khangh tiah khuami le mipi ralkap lei in theih a si.
July ni 8 in July ni 14 tiang Ye Oo peng ah a ummi khua hna cu ralhrang nih aluh hnawh hna i minung pahra an thah khangh hna. Culawng siloin July ni 8 ah khan ralhrang kawlralkap hna cu Sithamay khua cu helicopter in an kah hna tiah an langhter chih. Ralhrang nih phone line zong an thah tiah an chim chih. Mah thawngpang hi tuni lawngah an langhtermi a si. Video he zoh khawh a si hika hi video zohnak
Thawngpang dang. AA nih a mipi pawl ralrinnak an tuah cang hna. Ralhrang pawl biatak tein timhlamhnak an ngaih cang caah kahdohnak fakpi a chuah khawh ruangah mipi vialte ralring tein um uh tiah AA nih thanhnak an tuah. AA le ralhrang hna cu nai ah voihnih an i kap cang. Nai an i kahnak ah ralhrang tampi an thih pin ah minung 14 an tlaih rih hna.
Cu lawng siloin ralhrang hna nih khuachung mipi hna cu an tlaih i atu hi Rakhine mipi hruaitu deuh an kawl rih hna. Cun biaceihzung ah riantuantu zong tlaih an timh rih hna i mipi hna cu hriamnam ngan in an thihpheih rih hna. Alam kip ti awk in buainak chuahter an timh ruangah tuhi kahdohnak fak a chuak kho tiah an thanh.
Nai July ni 18 an i kahnak ah ralhrang kawlralkap hriamnam tampi hna cu AA nih an lak piak hna. Atu ah hin Maung Taw peng ah thawngpang cu a dai ko nain a hnu ah zeidah a chuah te lai timi kan thei lo. Kahdohnak a linsa sual lai ti kan phan ko tiah Myawadi Administrator nih a chim. Atu hi ralhrang hna nih Maung Taw pengah ralkap thaazaang an chap chin lengmang hna tiah an langhter.
Leave a Reply