VIDEO. RALHRANG SAKHAN BIAPI AN LAKMI VIDEO ZOHKHAWH SI CANG

KNLA le a hawi le hna nih ralhrang sakhan an laknak ah an zamtak mi hriamnam tamtuk an lak. Nizan May ni 17 ah Thailand ramri Myawaddy peng chaklei ah a ummi ralhrang kawlralkap sakhan Thae Baw Bo camp cu KNLA le a bawmtu hna nih an kah lak. Hi kahdohnak ah ralhrang nih helicopter zong an hman.

Culawng siloin raltuknak vanlong le CH 3 Drone hmangin an kah hna. An kahmi hi voi 20 renglo cu asi lai tiah an zumh. Ralhrang hna cu an thih tuk tikah tthenkhat cu an sakhan an zaamtaak tiah an langhter. Hi sakhan laknak ah mipi ralkap lei in minung pakhat cu a tlawmbik an thi tiah theih a si.

Tutan sakhan laknak kongah kap hnih in a thimi zat siseh hriamnam an lakmi zat fiangtein thanhnak an tuah rih lo. Mah sakhan hi Myawaddy-Lay Kay Kaw-Phlu-Thae Baw Bo-Wallay Myaing lampi ah a ummi a si i, Ralhrang LIB 559 an umnak hmun a si tiah an langhter. Cun mah sakhan hi kum 1990 ah ralhrang nih an rak lak i kum 32 a luan hnu ah KNLA le a hawi le hna nih an lak tthan mi a si. Video zoh a duhmi nih hika hi voikhat hmat 

Thawngpang dang. Breaking News. Ralhrang kawlralkap dirpitu misual lainawng Pyu Saw Htee nih civil minung pakhat an kahthah. Tuni May ni 18 zan suimilam paruk le cheu hrawngah Pyu Saw Htee hna nih Tamu khuapi Sawbua 10 sangah khuami minung pakhat an kahthah tiah an langhter.

Tutan ah ralhrang kawlrlakap lei minung Pyu Saw Htee hna nih an kahthah mi khuami pakhat hi kum 30 hrawnghrang a si i, mi tampi nih an kawh auh ning ah cun Nithar Ye Soe Thu tiah theih a si. Hi konghe pehtlaiin zeiruang ah dah an kahthah timi theih a si rih lo.