Apoi ngaingai Laimi chungah mahbantuk minung kan rak um hi cu, Laimi tampi capo aa kan seihpiaktu le mipi aa kan thaa aa kan damtertu pakhat a simi Salai Van Hmun Tling cu mitthli he a lungfahnak a chimphuan cang. Kannih Laimi hi cu misoisel le thangchiat hi cu kan rian taktak a rak si ko rua hih.
Salai Van Hmun Tling nih a chimmi cu mit kan ngei ve, Hna kan ngei ve. Ahohmanh i nihsawh ding a si lo. Minung ciocio kan si ko hna/ Aho hmanh hi ai nih sawh ngam ding kan si lo. Nang zong minung kei zong minung, minung ciocio aa nihsawh ngam ding kan silo tihi rak theih cio uh.
I nihsawh hna hlah usih. Keicu ka ti bak ko Min Aung Hlaing Uico pa thi zawkzawk seh ka ti ko. Minung Aung Hlaing hi uico a si lo, Minung a si ko. Kha cu um ko rih usih. Nizan ah tiah angaihchiatnak cu capo he biatak in a vun langhter i, mipi aa kan lautuer taktak. Nan laucio lai vun ngai cio hmanh uh, Video zoh a duhmi nih hika hi voikhat hmat law na zoh khawh lai
Thawngpang dang. Htawai Khuami Pakhat Cu Tlaih A Ton Hnu Nikhat A Rauh Ah A Ruak In A Chungkhar Nih An hmuh!: Tanintharyi ramṭhen, Htawai (ထားဝယ်) ah kum 51 tluk a si mi U Soe Myint cu SAC kuttang um pyi-tuh-sit phu nih August 4 zaanlei ah bia hal ding in an auh hnu ah, nihin August 5 zinglei ah cun a ruak in hmuh a si, tiah Htawai (ထားဝယ်) khuami pakhat nih a chim.
U Soe Myint cu nizaan August 4 ah pyi-tuh-sit phu hna nih mi sawhsawh thuam i hruk in “Bia hal ding a um caah chikhat in kan zul ta” tiah an auh. Nihin August 5, zinglei ah cun a ruak hlam ding in chungkhar an thanh hna, a ruak cu Htawai(ထားဝယ်) peng Palukung(ပုလုကုန်း) khua pawng lamkam ah an hlonhtak” tiah khuami pakhat nih cun a chim.
U Soe Myint te chungkhar cu Htawai(ထားဝယ်), Bamaw (ဘုမ္မော်) sang i an umnak kum hnih hrawng lawng a si rih, tiah khuami nih an chim.U Soe Myint thah a tonnak kong ah SAC ralkap lei nih cathanh an chuahmi a um rih lo. Htawai(ထားဝယ်) ah SAC ralkap uk duh lo langhternak a tam chin i, i thahnawnnak zong a tam chin, tiah tualchung mi nih an chim.
Tanintharyi ramṭhen chung a cangmi thilsining hlathlaitu phu pakhat ‘Southern Monitor’ nih cun, Tanintharyi ramṭhen chung ah June 2021 in June 2022 tiang ah kahdohnak voi 116 a chuak i, voi 119 bomb a chuak. Thahnawnnak tiang a chuahpi mi buainak voi 173 tiang a um, tiah an langhter.
AAPP nih cazin an langhter ning ah cun SAC ralkap nih uknak an lak thawk in August 4 tiang ah, democracy hmuhkhawhnak ding ah cawlcanghnak a tuahtu hna hna chung in minung 2157 nunnak a liam, cang tiah an langhter. Credit: The Chin Post.
Leave a Reply