Kan U Nau UPC caah cun chirhchan ding Bible a vun har ngaingai ko timi fiangte in a lang. Theihcio bantukin Rev. Thang Lian Sang le Dr, PC Biak Siam debate konghe pehtlaiin tutan ah fiang ngaingai in Pastor Biak Chawn nih fianternak a tuah colh. Fianternak a tuahmi zong mizo holh lila in a tuahmi a si.
Tutan Dr. PC Biak Siam Le Rev. Thang Lian Sang debate an tuahmi ah tthenkhat nih cun Rev. Thang Lian Sang nih a khuh deuh ko tiah a timi tampi kan um. Cun tthenkhat nih cun Dr. PC Biak Siam nih a khuh deuh a timi kan um thiamthiam ve. Tutan an biachim konghe pehtlaiin Rev, Thang Lian Sang nih a chimmi cungah a tanglei bantukin Pastor Biak Chawn nih lehnak a tuah.
Rev. Thang Lian Sang nih Pathian cu pakhat lawng a um timi konghe pehtlaiin Deutronomy 6:4 nak ah Bawipa kan Pathian cu Bawipa pakhat lawng a um…. tiah a timi konghe pehtlaiin Pastor Biak Chawn nih fiang tein lehnak a tuah. Cu a tuahmi cu video in zoh khawh le ngaih khawh a si. A fiang taktak khi a si. Laiholh in vun leh ahcun a zum lomi kan um sual amah nih A chimmi video ngaih le zoh a duhmi nih hika hin zoh le ngaih khawh a si
Dr. Rual Uk nih fianternak a vun tuah tthan mi. Oneness Hna Nih Pathian Min An Timi Le Baibal Nih Pathian Min Atimi Ai Khat Lo. Oneness hna nih Pathian min tiah an timi cu “Jesuh” a si. Asinain Amah Jesuh nih voikhat te hmanh a min Jesuh kha Pathian min a si tiah a chim bal lo. Cu lawng si loin Baibal nih Jesuh timi hi Pathian min a si tiah voi khat hmanh a chim fawn lo.
Baibal nih Pathian min tiah voi li khengte a chimmi cu Jehovah ti hi a si. Hihi Amah Pathian hrim hrim nih a chim mi a si. Chuahlanhnâk (Exodus) 3:15 ah. “Cuhleiah Pathian nih Moses sinah, “Nangmah nih Israel tefa hna sinah, ‘Jehovah, an hringtu hna Pathian, Abraham Pathian, Isak Pathian leJakob Pathian nih nan sinah a ka thlah.
Hihi zungzal in ka min cu a si i chan vialte ah keimah philh lonâk a si, tiah a ti.Pathian amah hrim hrim nih Jehovah timi cu zungzal in ka min a si, tiah a ti. Chuahlahnâk 6:3 ah, “Abraham, Isak le Jakob sinah khan Zeizong tuah kho Pathian in ka langh i ka min Jehovahtu cun an sinah ka hngalhter rih lo,” tiah a ti. Moses sin lawng lawng in Pathian nih a min Jehovah hi hngalhter ai thawk tinâk a si.
Isaiah 42:8 ah, Keimah cu Jehovah ka si. Cucu ka min a si,. .. tiah Pathian nih a ti țhan. Cun Jeremiah 16:21 ah,. ..Ka min hi Jehovah a si ti kha an hngalh lai,” tiah a ti. Cucaah Baibal ah Amah Pathian hrim hrim nih voi li bak “Ka min cu Jehovah a si” tiah a ti. Baibal ah hin, Amah Pathian nih ka min cu tiah ti loin Baibal țialtu minung nih A min cu Jehovah a si tiah an tinâk hi voi 19 a um.
Chuahlanhnâk 15:3. Sâm 68:4. Isaiah 47:4. 48:3. 51:15. 54:5. Jeremiah 10:16. 31:35. 32:18. 33:2. 46:18. 48::15. 50:34. 51:19. 51:57. Hosia 12:5. Amos 4:13. 5:27. 9:6. Baibal Cathiang timi le Rualuk Study Baibal timi ah rel Cuticun Oneness hna nih Pathian min tiah an timi cu Jesuh a si i Baibal nih Pathian min tiah a timi cu Jehovah a si. Credit: Rual Uk
Leave a Reply