Zarhkhat chungah ralhrang nih minung 85 an khangh hna tiah NUG lei nih thanhnak an tuah cang. Ralhrang kawlralkap hna nih zarhkhat chungah minung 85 an khangh hna tiah NUG ministry of Home Affairs and Immigration nih an langhter. Hithil hi ralhrang nih hruhru hranghrang in thil an tuahmi tampi chungin minung an khangh mi lawng an langhter mi a si.
A liamcia kum 2021 February ni in ralhrang hna nih uknak an lak. Kha ni thok in ralhrang hna nih mipi hna cu dimhdorhnak um loin an thah hna i, an umnak inn zong an khangh dih. Nai zongah Ministry of Home Affairs and Immigration nih May nikhat in Ni 7 tiang ralhrang kawlralkap hna nih an tuahmi thil vialte hna cu an rak langhter dih.
Sagaing ramtthen ah khua 20 an khangh i minung hleikhat an thah hna. Cun minung panga hna cu mei inn an khangh hna. 44% tluk ralhrang nih thilttha lo an tuahmi a si tiah an langhter chih. Mah lawng siloin Magway ramtthen siseh, Irrawaddy le Mandalay zongah thah nawnnak tampi a um i tuchun nitiang thil a cang cuahmah ko.
Ralhrang hna nih nawlngaihnak hramhram in an laknak hi kumpi kumkhat a reng ti lo. Tuchun nitiang ah rampi dirhmun that lei a panh lo ruangah a lamkip in harsatnak le buainak a chuak. Ralhrang kawlralkap le mipi ralkap hna cu nifatin an i kap peng i, thla 11 chung ah ralhrang 13000 an thi cang. Mipi zong minung 4280 hliam an tuar cang tiah an langhter chih.
Leave a Reply