ZOH NGAM HMANH SILO EE, RUAK 27 AN HMUH CANG

Ngaihchiatnak Chum a zaam e, poi taktak. Ralhrang kawlralkap hna nih Yee Oo peng ah khua pahnih an khanghmi ah mithi ruk 27 an hmuh. Sagaing ramthen Yeeoopeng, Mungtaingpin khua le Ainpin khua ah ralhrang kawlralkap hna nih inn an khangh. Cu an khanghmi ahcun miruak 27 an hmuh hna.

Khuami ruak an hmuh mi hna hi ralhrang nih an khanghmi inn ah an si tiah an chim. Kahdohnak a um lo. Ralhrang hna cu khuachung ah an rak phan i zan ah an riak. Khuachung mi hna cu an zaam hna. Azam kho lomi hna cu inn ah an um. Inn khanghmi ah hin miruak hmuh ding a um. Tthenkhat cu lampi ah an ruak an char hna.

Ruak hi a dihlak in an hmu thlu rih hna. Ruak hi 27 lawng an hmuh rih i, hi chungah minung 17 cu Mungtaingpin khua ah a si i, a dang pahra ruak hi Ainpin khua ah a si tiah an chim. Mithi ruak an hmuhmi hna ah hin meithal kahnak an um. Tanhse peng in ralhrang hna hi an kal i May ni 9 ah Mungtaingpin an phan i meithal akah. Inn 30 hrawng an khangh tiah an chim.

Thawngpang dang relchih a duh mi caah. SAC ralkap mawṭaw thluan Mindat an phan cang. Matupi khua ah eidin phorh le ralkap thazang a chap mi SAC ralkap mawṭaw 70 leng cu May 13 zaanlei ah Mindat khua Infantry 274 ah an phan cang tiah CDF-Mindat nih a thanh.SAC ralkap mawṭaw thluan cu May 13 zaanlei 4:58pm hrawngah SAC Infantry 274 ah an phan cang tiah thawng theih a si.

Zeitluk tiang dah an caam lai timi cu theih a si rih lo. Kahdoh an ton a tamtuk caah an baa lai i ni 3,4 cu an caam kho men. Ruahdamh khawh a si rih lo” CDF-Mindat biachimnak nawl a ngeitu nih The Mindat Post ah a chim.SAC ralkap mawṭaw thluan cu a luancia April 27 ah Matupi in an rak i thawh i Meng 100 hrawng a hlatmi Mindat khua cu ni 18 an rauh hnu ah an phak hi a si.An ratnak lamthluan chungah CDF-Mindat nih bom puah hnawh le an bawh lengmang hna caah a thimi an tam. TCP